Tramp: Jany pryhoža padali ŭ akijan, niby matylki, što laciać nasustrač svajoj hibieli
Prezident ZŠA paetyčna prakamientavaŭ apošnija padziei vakoł Irana.
ZŠA i Iran abmianialisia ŭdarami — Iran atakavaŭ karabli ŭ Armuzskim pralivie, a ZŠA — naziemnuju infrastrukturu. Tramp prakamientavaŭ situacyju.
«Try amierykanskija eśmincy suśvietnaha kłasa paśpiachova prajšli praz Armuzski praliŭ, niahledziačy na ataku. Nivodny z karabloŭ nie atrymaŭ paškodžańniaŭ, tady jak iranskija siły, što napadali, panieśli surjoznyja straty. Jany byli całkam źniščanyja razam z mnostvam małych kateraŭ, jakimi Iran ciapier sprabuje zamianić svoj faktyčna abiezhałoŭleny fłot. Hetyja sudny chutka i efiektyŭna pajšli na dno.
Pa našych eśmincach byli vypuščanyja rakiety, adnak usie jany byli lohka pierachoplenyja. Hetak ža byli źniščanyja i drony — ich spalvali prosta ŭ pavietry. Jany pryhoža padali ŭ akijan, niby matylki, što laciać nasustrač svajoj hibieli.
Lubaja narmalnaja kraina dazvoliła b hetym eśmincam bieśpieraškodna prajści, ale Iran — nienarmalnaja kraina. Joju kirujuć fanatyki, i, kali b u ich źjaviłasia mahčymaść užyć jadziernuju zbroju, jany zrabili b heta biez vahańniaŭ. Ale takoj mahčymaści ŭ ich nikoli nie budzie. I hetak ža, jak my nanieśli im udar siońnia, u budučyni my adkažam jašče bolš žorstka i značna bolš razburalna, kali jany nie padpišuć pahadnieńnie nieadkładna», — skazaŭ prezident ZŠA.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary
Jon i naiŭny, jak paet. Jak možna spadziavacca na damovu z fanatykami ? Jany nie vahajučysia naplujuć na lubuju damovu, taksama, jak i bieź nijakich vahańniaŭ (u čym Tramp nia maje sumnievaŭ) vykarystajuć jaz... Napalahać na padpisańnie damovy ź ciapierašnimi vierchavodami Irana nia maje nijakaha sensu. Treba rychtavać zbroju j vojska, płanavać naziemnuju vajennuju apieracyju j dziejničać nie marnujučy času.