U čaćvier, 25 lipienia, palicyja Šviejcaryi spyniła aŭtobus ź biełaruskimi numarami. Vyśvietliłasia, što ŭ aŭtobusa niaspraŭnyja tarmazy. Palicyja zabaraniła ruch, pakul niaspraŭnaść nie budzie likvidavanaja, i biełaruskim turystam daviałosia zastacca ŭ Šviejcaryi. Biełaruskaje konsulstva ŭziało situacyju na kantrol. Pra heta Tut.by paviedamili čytačy, pra biełaruskich turystaŭ taksama napisali miascovyja ŚMI.
Palicyja kantona Hraŭbiunden spyniła aŭtobus, kali jon padjazdžaŭ da kamuny San-Vitore. Pravierka pakazała, što ŭ aŭtobusa niaspraŭnyja tarmazy. Palicyja zabaraniła ruch aŭtobusa, pakul tarmaznuju sistemu nie adramantujuć. Pieramovy z kiroŭcam aŭtobusa ŭskładnialisia jašče i tym, što jon razmaŭlaŭ tolki pa-rusku.
Kala 50 turystaŭ — biełarusaŭ i niekalkich rasijan, mnohija ź jakich byli ź dziećmi, źniali z aŭtobusa. Im arhanizavali transpart da vioski San-Biernardyna, dzie im daviałosia pravieści noč z čaćviarha na piatnicu i, miarkujučy pa ŭsim, pryjdziecca pravieści i hetuju.
«Maja siabroŭka siarod turystaŭ. Heta byŭ tur pa Jeŭropie, ź Minska ŭ Partuhaliju, tam jany praviali niekalki dzion, potym zajechali ŭ Barsiełonu, zatym u Vieniecyju i nakiroŭvalisia ŭ Prahu tranzitam praz Šviejcaryju», — raspavioŭ čytač Vital.
Jon ža paviedamiŭ, što biełaruskaje konsulstva ŭ Šviejcaryi ŭziało situacyju pad kantrol.
«Drenna toje, što biełaruski pieravozčyk nijak nie moža vyrašyć prablemu, a ludzi ŭžo ŭ niadzielu pavinny viarnucca ŭ Minsk — u mnohich zakančvajecca adpačynak, ich čakaje praca», — dadaŭ Vital.
Pakul ža turystam, jakija nie źbiralisia spyniacca ŭ Šviejcaryi, davodzicca hulać pa navakollach i spadziavacca na toje, što aŭtobus usio ž adramantujuć.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3232
Kamientary