Rasijskija vajenkary nazvali Kanstancinaŭku «druhim Kupianskam», a ŭkrainskija vajskoŭcy zładzili ŭ horadzie fłešmob
Heta paraŭnańnie ź inšym horadam, pra zachop jakoha Pucinu dakładvali trojčy, pakul tudy nie pryjechaŭ asabista Uładzimir Zialenski.
«Konstantinovka = Kupiansk», — takoje łakaničnaje paviedamleńnie apublikavaŭ rasijski Z-błohier Ramanaŭ.
Pra zachop Kanstancinaŭki načalnik Hienštaba rasijskich vojskaŭ hienierał Valeryj Hierasimaŭ dałažyŭ Uładzimiru Pucinu 3 lipienia 2026 hoda.
Ukrainskija vajskoŭcy z roznych bryhad adreahavali na zajavu Pucina i Hierasimava pra zachop Kanstancinaŭki fłešmobam — jany zapisali videa z roznych rajonaŭ horada, jaki praciahvaje baranicca ad rusafašystaŭ.
Kanstancinaŭka — horad na poŭnačy Danbasa. Pierad vajnoj, na pačatku 2022 hoda tam žyło 67 tysiač čałaviek, a na piku jaje roskvitu, u kancy 1970‑ch — 112 tysiač. Kanstancinaŭka razam ź inšymi nasielenymi punktami składaje Kramatorskuju ahłamieracyju, u jakoj jašče na pačatku XXI stahodździa žyło 650 tysiač čałaviek, siarod jakich kala 70% składali ŭkraincy i tolki 25% — ruskija.
Uładzimir Zialenski 4 lipienia prapanavaŭ Pucinu sustrecca ŭ Kanstancinaŭcy, «raz jana ciapier pad kantrolem Rasii»
Uładzimir Zialenski napisaŭ u svaim telehram-kanale: «Pucin vyrašyŭ schłusić śvietu i prezidentu Amieryki adnosna situacyi na froncie: śćviardžaje pra nibyta zachop rasijcami Kanstancinaŭki na Danbasie. Viadoma, što heta niapraŭda — heta čarhovaja rasijskaja chłuśnia, kab zapuścić choć niejkuju navinu …».
«Kali b Kanstancinaŭka sapraŭdy była pad kantrolem Rasii, to, napeŭna, u Pucina nie było b prablem sustrecca tam sa mnoj i znajści dypłamatyčnyja rašeńni, kab narešcie spynić vajnu. Ale jon usio ž nie pierasiakaje liniju frontu: praŭda vielmi adroźnivajecca ad słoŭ Pucina», — zaznačyŭ prezident Ukrainy.
Kreml na prapanovu Uładzimira Zialenskaha sustrecca ŭ Kanstancinaŭcy adreahavaŭ. Pres-sakratar Pucina Dźmitryj Piaskoŭ zajaviŭ, što rasijski lidar hatovy da sustrečy, ale vyklučna ŭ Maskvie, a nie ŭ pryfrantavoj zonie.
Zajava Uładzimira Pucina pra zachop Kanstancinaŭki papiaredničała jaho praciahłaj telefonnaj razmovie z prezidentam ZŠA Donaldam Trampam.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud28
Kamientary
skolko bydła raśsiejskaha napłodiłoś,
raboty za misku risa chvatit vsiem, do konca ich dniej !!!