Paplečnik Uładzimira Pucina Dźmitryj Miadźviedzieŭ u Dzień niezaležnaści ZŠA apublikavaŭ videa sa śvińnioj, u jakoj sindrom trasučki hałavy. Ale paśla jaho vydaliŭ.
Minułaj nočču ŭ aficyjnym kanale sakratara Rady Biaśpieki Rasii Dźmitryja Miadźviedzieva byŭ apublikavany videazapis śvińni, jakaja žuje, stojačy ŭ łužynie. Heta supała ź śviatkavańniem 250‑hodździa niezaležnaści ZŠA.
Nijakich tłumačeńniaŭ da videa nie było. Zapis byŭ vydaleny praź niekalki chvilin. Kamientaryjaŭ pra toje, što adbyłosia, nie było.
Papiaredni zapis u tym ža kanale byŭ apublikavany ŭviečary 3 lipienia. U im Miadźviedzieŭ «ad imia kiraŭnictva i naroda Rasijskaj Fiederacyi» vykazvaŭ «hłybokija spačuvańni ŭ suviazi z pakutnickaj hibiellu Viarchoŭnaha kiraŭnika Isłamskaj Respubliki Iran Vialikaha Ajatały Siejeda Ali Chamieniei».
Videa, jakoje źjaviłasia i źnikła ŭ kanale Miadźviedzieva, było ŭziata ź instahram-akaŭnta floppythepig na 44 tysiačy padpisčykaŭ, dzie publikujucca historyi z žyćcia adnoj śvińni.
«Fłopi — unikalnaje parasia! Naradziłasia ź sindromam trasučki hałavy, a atrymała druhi šaniec. Ciapier jano zadavolenaje, razduranaje chatniaje parasia!» — havorycca ŭ apisańni akaŭnta, jaki byŭ stvorany ŭ ZŠA ŭ 2020 hodzie.
Videa, jakoje źjaviłasia ŭ kanale Dźmitryja Miadźviedzieva śledam za paviedamleńniem pra pajezdku ŭ Iran, pieršapačatkova było apublikavana 23 červienia. «Siońnia vydatny dzień dla vydatnaha dnia», — abviaščaŭ podpis da videa z Fłopi, jakoje žuje.
Miadźviedzieŭ pra Dzień niezaležnaści ZŠA 4 lipienia nie vykazvaŭsia. Uładzimir Pucin u hety dzień pahavaryŭ z Trampam.
Kamientary
Ale mianie ŭžo ništo nie ździŭlaje, ciapierašni, u jakoha taksama vietram dach zduła, nie lepšy.
I Dień niezavisimosti SŠA začiem-to pritianuli, chotia s chamieniei śmiešnieje, tk śvińja charam v isłamie.