Va ŭdzielnika marafona z maniškaj «Isus ratuje» zdaryŭsia sardečny prystup — jaho i vyratavaŭ Isus
6 kastryčnika ŭ amierykanskim horadzie Minieapalisie prachodziŭ marafon Twin Cities Marathon. Adnym z udzielnikaŭ zabiehu byŭ 25-hadovy Tajler Mun, jaki vyrašyŭ prabiehčy 16 kiłamietraŭ. Chłopiec zarehistravaŭsia na marafonie nie pad svaim imiem, i niečakana nadpis na nahrudnym znaku staŭ dla jaho prarockim. Historyju vyratavańnia pierakazvaje tjournal.ru.
Pa praviłach na nahrudnym znaku pavinna być sapraŭdnaje imia, ale Mun vyrašyŭ pamianiać jaho na Jesus Saves («Isus Ratuje»). Paźniej amierykaniec pryznavaŭsia, što jon relihijny i chryścijanskaja fraza padałasia jamu «trapnaj».
Mun zapeŭnivaje, što pierad marafonam adčuvaŭ siabie vydatna, ale paśla pieršych ža kiłamietraŭ adčuŭ niedamahańnie. Na siaredzinie dystancyi ŭ chłopca pačałasia tachikardyja, i jon upaŭ, stuknuŭšysia hałavoj ab asfalt. Serca Muna spyniłasia.
Udzielniku zabiehu pašancavała: niepadalok ad jaho apynułasia adrazu niekalki čałaviek ź miedycynskaj adukacyjaj. Adnym ź ich byŭ miedbrat pa imieni Isus, a dakładniej — amierykaniec ź ispanskimi karaniami Chiesus Buena (Jesus Bueno). 43-hadovy pamočnik aniestezijołaha pačaŭ z kalehami akazvać pieršuju dapamohu: rabić masaž serca i štučnaje dychańnie.
Miedyki z defibrylataram prybyli prykładna praz 10 chvilin: uvieś hety čas Chiesus i inšyja lekary padtrymlivali žyćcio Muna. Pieršym ža ŭdaram udałosia zapuścić serca biehuna.
Praź niekalki hadzin paśla incydentu Mun ačuniaŭ u miascovaj balnicy. Jon ź siamjoj pastaraŭsia źviazacca ŭ sacsietkach z usimi, chto vyratavaŭ jaho — nabrałasia kala 15 čałaviek. Padziaki atrymaŭ i Chiesus Buena: Mun ličyć, što jaho z kalehami pasłaŭ jamu boh.
U balnicy chłopcu ŭručyli hanarovy miedal za pieraadoleńnie marafonu, ale toj adznačyŭ, što nie zasłužyŭ jaho, bo ŭpaŭ na siaredzinie dystancyi. U studzieni 2020 hoda Mun maje namier paŭtaryć zabieh.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary