Barščeŭski: Vy surjozna ličycie pakuty ŁHBT-supolnaści bolš surovymi za pakuty Sieviarynca ŭ turmach?
Pierakładčyk, hramadski dziejač Lavon Barščeŭski ŭčora zajaviŭ pra svoj vychad ź Biełaruskaha PEN-Centra. Siońnia jon dasłaŭ u «Našu Nivu» svaju zajavu z tłumačeńniem, čamu jon heta zrabiŭ.
«Darahija kalehi!
Usie farmuloŭki pa vyklučeńni Paŭła Sieviarynca sa składu našaha PEN-Centra jak by j słušnyja. Ale ŭ ich źniščajecca asoba vydatnaha čałavieka, našaha sučaśnika: čamuści nie zhadvajucca 6 hadoŭ turmaŭ i vysyłak Paŭła Sieviarynca, najaŭnaść u jaho premii Alesia Adamoviča. Navat łukašenkaŭskija sudy pryznajuć takuju źjavu, jak «źmiakčalnyja abstaviny».
Niaŭžo za svaje 5—6 emacyjnych i niepradumanych vykazvańniaŭ Pavieł Sieviaryniec pavinien stać abjektam astrakizmu?
Ciapier ža cham i «hodny ŭžyvalnik» movy pieciarburhskaj šantrapy Jaŭhien Lipkovič vystupaje sudździoju Paŭła Sieviarynca. Nu ci ž heta nie absurd?!
Moža, chto z vas choć raz zavioz humanitarnuju dapamohu Paŭłu, kali jon siadzieŭ u Małym Sitnie ci Kuplinie? A my z maim bratam Vadzimam i Źmitrom Kołasam rabili heta nie raz!
Ja sam aryštoŭvaŭsia tolki 11 razoŭ, a pry hetym nie mahu asudžać Sieviarynca, bo nie ździejśniŭ jon ani zabojstvaŭ, ani inšych haniebnych abo nieprystojnych učynkaŭ!
I ja nie mahu jaho adnaznačna asudžać — pahatoŭ u razmovie paśla schodu PEN-Centra 26 kastryčnika jon u razmovie sa mnoj prysiahaŭ mnie, što nikoli bolš nie dapuścić niepradumanych zajavaŭ u presie.
Na pačatku pasiedžańnia Rady PENa 29 kastryčnika było zajaŭlena, što Paŭłu Sieviaryncu na praciahu 2-ch tydniaŭ budzie dadzieny šaniec na abaronu ad novych abvinavačvańniaŭ. Ale heta vykanana nie było — jon nie atrymaŭ nijakich šancaŭ na abaronu siabie, a adna ź siabrovak Rady paraŭnała jaho na pasiedžańni — ni bolš ni mienš — z kurapackimi katami!
Rašeńni nkvdysckich trojek niekali prymalisia ŭcichuju, čałaviek nie mieŭ nijakaj mahčymaści abaranić siabie, adstajać svaju pazycyju… Vam, spadarstva, heta ničoha nie nahadvaje? Ci vy surjozna pakuty ŁHBT-supolnaści ŭ našaj realnaj Biełarusi (ja pryznaju hetuju prablemu) ličycie bolš surovymi za realnyja pakuty Paŭła Sieviarynca ŭ turmach na Vaładarcy i Akreścina, u vysyłkach u Małym Sitnie i Kuplinie?
Nu, adkažycie mnie, tolki biez vykruntasaŭ i ekivokaŭ!
Vaš Lavon Barščeŭski».
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia3
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1515
Kamientary