Pucinski režym zmahajecca za vyžyvańnie, i heta dobraja navina, piša ŭ haziecie «Ŭoł‑stryt džornał» eks‑čempijon śvietu pa šachmatach Hary Kasparaŭ, jaki siońnia kładzie žyćcio na stvareńnie ruchu za hramadzianskija pravy ŭ Rasii.
Pucinski režym zmahajecca za vyžyvańnie, i heta dobraja navina, piša ŭ haziecie «Ŭoł‑stryt džornał» eks‑čempijon śvietu pa šachmatach Hary Kasparaŭ, jaki siońnia kładzie žyćcio na stvareńnie ruchu za hramadzianskija pravy ŭ Rasii.
Kiepskaja navina, što administracyja Abamy sprabuje z zaihryvać z aŭtarytarnaj Rasijaj, praciahvaje jon.
Na dumku Kasparava, spadziavańni na Rasiju jak sajuźnika ŭ strymlivańni atamnaha prajektu Iranu niezdarovyja. I niama sensu admaŭlacca ad prahramy raźmiaščeńnia procirakietaŭ u Jeŭropie dziela hetaha, bo Pucin usio adno ašukaje. Čamu?
Bo
Pucin zaležyć ad cenaŭ na naftu, a tamu ŭsio adno budzie i jadziernaje ŭzbrajeńnie Iranu padtrymlivać, i terarystaŭ uzbrojvać na Blizkim Uschodzie, aby destabilizavać situacyju ŭ naftanosnym rehijonie,miarkuje Kasparaŭ.
Abama praciahvaje Pucinu aliŭkavuju halinu miru tady, kali kramloŭski režym jak nikoli blizki da svajho krachu. Niezdarma ŭ Rasii idzie intensiŭnaje naroščvańnie farmavańniaŭ śpiecnazu, pryznačanych dla zmahańnia z vuličnymi pratestami. Fondu nacyjanalnaha dabrabytu moža akazacca zamała, kab uratavać ad bankructva ŭsich aliharchaŭ‑manapalistaŭ, jakija sybrujuć z Pucinym – Dzierypaska, Čemiezaŭ, Abramovič atrymali miljardy dalaraŭ dapamohi, i tym nie mienš, zastajecca pytańnie, čaho ŭ ich na siońnia bolš – aktyvaŭ ci pazykaŭ.
Kasparaŭ źviartaje ŭvahu na dzivosny kantrakt, jaki Kreml niadaŭna padpisaŭ z Kitajem. Heta ŭhoda na prodaž u Padniabiesnuju nafty pa supiernizkaj (mienš za $20 za barel) terminam na 20 hadoŭ uzamien za $25‑miljardny kredyt.Mahutnyja krainy padpisvajuć takija damovy tolki kali im nahvałt patrebnyja hrošy tut i ciapier.
U Rasii razyhryvajecca adčajny hambit, z dapamohaj jakoha choča ŭratavacca karumpavany režym. Pytańnie tolki ŭ tym, ci Zachad schoča finansavać uratavańnie rasijskaj dyktatury ci dazvolić joj paści, padsumoŭvaje Kasparaŭ.
Na dumku Kasparava, kab adciahnuć uvahu ludziej ad rostu cenaŭ i masavych zvalnieńniaŭ, Pucin zdolny ažyćciavić čarhovuju zamiežnuju avanturu – hruzinskaja preludyja jamu syšła z ruk.
Usio adno, na dumku lidera rasijskaha niezaležnaha hramadstva, inšym krainam treba mieć na ŭvazie mahčymaść masavych sacyjalnych pratestaŭ u Rasii i padzieńnia pucinizmu.
Varta dadać, što ŭ vialikich haradach Rasii ruch za hramadzianskija svabody «Druhaja Rasija», adnym ź lideraŭ jakoha staŭ Hary Kasparaŭ, maje peŭnuju padtrymku. Jon papularny pieradusim siarod studenctva, intelihiencyi, nacyjanalnych mienšaściaŭ. Hety ruch kirujecca ideałami asabistaje svabody i pravavoje dziaržavy, na jakich hruntujecca jeŭrapiejskaja cyvilizacyja. Mahčyma, jahonyja idei nie nastolki bieznadziejna čužyja rasijskamu hramadstvu, jak toje zdajecca tamu, chto sočyć za rasijskaj situacyjaj praz pryzmu rasijskaha TV, kali ŭličyć, jak aściervianieła ŭłady dušać lubyja sproby ruchu arhanizavać publičnyja akcyi ci farmavać niekantralavanyja vybarčyja śpisy.
U Rasii ŭsia ŭłada naležyć kłanu Pucina, jaki abapirajecca na nacyjanalistyčnuju partyju ŭłady «Adzinaja Rasija». U orhany zakanadaŭčaj ułady na ŭsich uzroŭniach uvachodziać nievialikija frakcyi troch psieŭdaapazicyjnych partyj (siarod jakich kamunisty i žyrynoŭcy), jakija całkam padzialajuć impierskija pryncypy režymu.
U ruch «Druhaja Rasija» złučylisia staryja antysavieckija dysidenty, vychadcy z demakratyčnych partyj 1990‑ch, siabry kontrelitnych hrupaŭ i pradstaŭniki nacyjanalnych ruchaŭ Rasii.
Ciapier čytajuć
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom4
Kamientary