Siońnia — Dzień surka. Ale prykmieta vydatna pracuje i dla Biełarusi
U ZŠA i Kanadzie siońnia adznačajecca Dzień surka.
Ličycca, što viasna budzie rańniaj, kali surok Fił sa štata Piensilvanija vylezie z nary i nie spałochajecca svajho cieniu (budzie pachmurna), inakš viasny pryjdziecca čakać jašče šeść tydniaŭ.
Toj samy Fił prasłaviŭsia dziakujučy adnajmiennamu filmu ź Biłam Miurejem u hałoŭnaj roli. A tradycyi ŭžo 133 hady.
Što takoje Dzień surka dla nas? Nasamreč siońnia, 2 lutaha, kataliki i pravasłaŭnyja ŭ Amierycy, Bałharyi, Rumynii, Hrecyi adznačajuć Hramnicy (15 lutaha ich śviatkujuć pravasłaŭnyja, što trymajucca julijanskaha kalendara).
Na Hramnicy ŭ cerkvach śvieciać śviečki, kab jany abierahali chaty ad pieruna.
U narodzie kažuć: «Hramnicy — pałavina zimicy, marazoŭ pałavicy», ad siońnia sonca paviartaje na viasnu.
Narodnyja prykmiety takija: «Jak na Hramnicy pievień napjecca vadzicy, dyk na Jurja [23 krasavika] voł najesca travicy» (kali siońnia adliha, to i viasna budzie rańniaj),
«Jak na Hrymnicy adliha, z uradžaju budzie chviha» (kali siońnia adliha, to viasna rańniaja, a jana nie spryjaje dobramu ŭradžaju, bo rana vysychaje ziamla).
Roŭna hod tamu, 2 lutaha, na Hramnicy taksama była adliha (+1 u Minsku), i dalejšaja zima była aby-što: na vulicy byŭ pieravažna plus, tolki z 21 pa 24 lutaha marazy dasiahali «fantastyčnyja» minus čatyry.
U sakaviku hod tamu marazoŭ nie było. 8 sakavika naohuł było +12. 24 sakavika — +9, a pad kaniec miesiaca — +15.
Treba dadać, što hetaja zima zusim nie ŭnikalnaja. Tak luty ŭ 1990 h. taksama byŭ ciopły, 9 lutaha ŭ Breście było +18.
Kamientary