U 103 hady pamior Kirk Duhłas — zorka Halivuda ź biełaruskimi karaniami
Pra heta paviedamiŭ u sieradu ŭ Instagram jaho syn Majkł Duhłas.
«Dla śvietu jon byŭ lehiendaj, akcioram z «załatoha vieku» kiniematohrafa, jaki dažyŭ da starečych hadoŭ, a taksama humanistam, jaki padavaŭ usim nam prykład svajoj addanaściu spraviadlivaści i ideałam, u jakija vieryŭ», — napisaŭ Majkł Duhłas.
Jon padkreśliŭ, što akcior «pakidaje spadčynu ŭ kiniematohrafie, jakaja zachavajecca na praciahu niekalkich pakaleńniaŭ». Jak kanstatavaŭ Majkł Duhłas, jaho baćka byŭ «viadomym fiłantropam, jaki pracavaŭ na karyść hramadstva i dziela miru na płaniecie».
U lik najbolš viadomych filmaŭ, u jakich zdymaŭsia Kirk Duhłas, uvachodziać «Tuz u rukavie» (Ace in the Hole, 1951), «Złyja i pryhožyja» (The Bad and the Beautiful, 1952), «Praha žyćcia» (Lust for Life, 1956), «Ściežki słavy» (Paths of Glory, 1957), a taksama «Spartak» (Spartacus, 1960). Akcior vykanaŭ roli bolš jak u 80 kinakarcinach. U 1996 hodzie jon atrymaŭ premiju «Oskar» za vydatnuju karjeru.
Baćki Kirka Duhłasa pachodzili z Čavusaŭ, što pad Mahilovam. I Duhłasami biełaruskaja jaŭrejskaja siamja Daniłovičaŭ stała tolki stupiŭšy na amierykanskuju ziamlu. A ŭ Mahilovie, darečy, žyŭ daniadaŭna stryječny plamieńnik Kirka Duhłasa Michaił Isakavič. Zaraz tam žyvuć jaho ŭdava i dačka z unučkaj.
Kamientary