U Sidniei zahinuŭ rasijski muzykant, chvala zaciahnuła jaho ŭ akijan i kinuła ab skału
U Aŭstralii na plaž Bondzi ŭ Sidniei abrynulisia hihanckija chvali. Vada zmyła dvuch ludziej u akijan. U vyniku trahiedyi paciarpieła žančyna, a mužčyna zahinuŭ, piša Daily Mail.
Rasijskija ŚMI paviedamlajuć, što havorka idzie pra muzykanta Andreja Ivanova i jaho žonku Juliju. Ivanoŭ byŭ aŭtaram saŭndtreka da sieryjała «Bryhada», stvaralnikam muzyčnaha prajekta Triplex.
Ivanoŭ razam z žonkaj adpačyvaŭ na plažy Bondzi ŭ Sidniei, kali ich źniesła akijanam.
Vierahodna, vializnaja chvala zmyła ludziej u akijan, a zatym kinuła ich ab skału.
U vyratavalnaj apieracyi byŭ zadziejničany viertalot.
47-hadovaha mužčynu vyciahnuli z vady biez prytomnaści. Niahledziačy na reanimacyjnyja mierapryjemstvy, jaho nie ŭdałosia ažyvić. 45-hadovaja žančyna atrymała ranki i złamała dva palcy, jaje dastavili ŭ balnicu.
Kamientary