U andskich lasach identyfikavali redkaje dreva. Jano akazałasia svajakom bulby i pamidoraŭ
Navukoŭcy adkryli novy rod dreŭ, jaki akazaŭsia svajakom pamidoraŭ i bulby. Havorka idzie pra redkaje dreva z andskich lasoŭ, jakoje raniej nie mieła dakładnaj navukovaj kłasifikacyi, piša Revistaoeste.com.
Daśledčyki vyvučyli jak hierbarnyja ŭzory, tak i śviežyja raśliny, i ŭ vyniku pryjšli da vysnovy, što heta asobny rod u siamiejstvie paślonavych. Jamu dali nazvu Daturodendron, što možna pierakłaści jak «drevapadobny svajak durnapjanu». Raniej bolš za 20 hadoŭ hetaje dreva fiksavali ŭ Kałumbii i Pieru, ale nie mahli dakładna adnieści da peŭnaj hrupy.
U adroźnieńnie ad mnohich svaich «svajakoŭ», heta nie kust, a paŭnavartasnaje dreva z adnym stvałom, jakoje moža vyrastać da 20 mietraŭ. Jahonyja kvietki nakiravanyja ŭvierch, a płady zastajucca zakrytymi i draŭnianymi — heta taksama adroźnivaje jaho ad inšych paślonavych.
Raście dreva ŭ vilhotnych hornych lasach na vyšyni ad 1300 da 2100 mietraŭ. Viadomyja tolki niekalki izalavanych papulacyj, tamu kožnaje miesca jaho rostu maje vialikaje značeńnie dla navuki i achovy pryrody.
U liści hetaha dreva znojdzieny trapanavyja ałkałoidy — rečyvy, jakija mohuć upłyvać na niervovuju sistemu. Jany vykarystoŭvajucca ŭ miedycynie, ale ŭ pryrodzie słužać raślinie dla abarony ad žyvioł.
Hienietyčnyja daśledavańni pakazali, što hetaje dreva zajmaje asablivaje miesca ŭ evalucyi svajoj hrupy i, mahčyma, zachoŭvaje staražytnyja rysy, stračanyja inšymi vidami.
Pakul što vid ličycca niedastatkova vyvučanym, bo pra jaho viadoma vielmi mała. Navukoŭcy papiaredžvajuć, što jon moža akazacca pad pahrozaj źniknieńnia z-za blizkaści daroh i nasielenych punktaŭ.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary