Tradycyja ŭzdymać biełaruski ściah la meryjaŭ amierykanskich haradoŭ na 25 Sakavika idzie ad pačatku 1960-ch.
U Saŭt-Ryvery (štat Ńju-Džerzi) znachodzicca biełaruskaja pravasłaŭnaja carkva imia Śv. Jeŭfrasińni Połackaj i vialiki budynak z parkam Biełaruskaha hramadzka-kulturnaha centru.
U horadzie j vakolicach žyvie cimała ŭradžencaŭ ź Biełarusi dy ichnich naščadkaŭ.
Tut hadami, ad pačatku 1960-ch hh., zamacavałasia tradycyja vyviešvać na hałoŭnaj vulicy horadu kala budynku muzeju biełaruski bieł-čyrvona-bieły ściah na adznačeńnie ŭhodkaŭ abvieščańnia ŭ Miensku 25 sakavika 1918 hodu niezaležnaści Biełaruskaj Narodnaj Respubliki.
Takaja ŭračystaść adbyłasia j sioleta.Minułaje suboty 21-ha sakavika ŭrańni kala budynku muzeju, dzie staić pomnik amerykanskim veteranam, sabralisia pradstaŭniki haradzkoje ŭpravy dy amerykanska-biełaruskich arhanizacyjaŭ na ŭračystaść uźniaćcia ściahu. Na fłahštoku, na jakim visić amerykanski ściah, byŭ uźniaty i bieł-čyrvona-bieły jak symbal volnaj Biełarusi.
Mer horadu Saŭt-Ryveru pračytaŭ dźvie praklamacyi: adnu ad imia ŭpravy horadu, a druhuju, atrymanuju ad hubernatara štatu Ńju-Džerzi.
U praklamacyjach dzień 25 sakavika 2009 hodu abvieščany Dniom Biełaruskaj Niezaležnaści ŭ Saŭt-Ryvery dy ŭ cełym štacie z zaklikam adpaviedna ŭšanavać hetyja ŭhodki.
Biełaruski ściah u Saŭt-Ryvery budzie visieć na praciahu tydnia, a ŭ carkvie śv. Jeŭfrasińni Połackaj budzie adsłužany adpaviedny malebien za zdaroŭje j dabrabyt biełaruskaha narodu.
Ciapier čytajuć
Na budynku Liceja BDU paviesili baner z zabitym kadebistam Nirvanaj, a vučniaŭ advieźli na jaho mahiłu39
Na budynku Liceja BDU paviesili baner z zabitym kadebistam Nirvanaj, a vučniaŭ advieźli na jaho mahiłu
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5656
Kamientary