Prafsajuznamu lidaru Iharu Komliku zrabili bolš «ilhotny» režym adbyćcia pakarańnia
Adnamu ź lidaraŭ niezaležnaha prafsajuza REP Iharu Komliku zrabili bolš «ilhotny» režym adbyćcia «damašniaj chimii», paviedamlaje spring96.org.
«Dniami mnie źmianili niekatoryja praviły adbyćcia pakarańnia, zrabili ich, tak by mović, bolš «ilhotnymi», — kaža Ihar Komlik. — Kali raniej treba było adznačacca ŭ kryminalna-vykanaŭčaj inśpiekcyi Frunzienskaha rajona raz na tydzień, to ciapier — tolki raz na miesiac. Mahčyma, heta z-za taho, što ja ŭžo adbyŭ peŭnuju častku pakarańnia i za hety čas da mianie nie było nijakich zaŭvah i pretenzij».
Ihar Komlik dadaje, što «heta davoli zručna, bo nie treba kožny tydzień biehać u inśpiekcyju i tracić na heta častku svajho pracoŭnaha času».
Hienadź Fiadynič ža adznačaje, što navat u suviazi z karanavirusam kantrol za adbyćciom pakarańnia ŭ jaho nie źmienšyŭsia.
«U minułym miesiacy prychodzili na adnym tydni try razy zapar, — raspaviadaje Hienadź Fiadynič. — Dva razy — kala 12 hadzin nočy. Uvohule, prychodziać kali chočuć, ale, na ščaście, nočču pakul nie źjaŭlalisia. Ja ich papiaredziŭ: «U mianie dobry son, tamu budziecie stajać i hrukać u dźviery vielmi doŭha».
Nahadajem, što 24 žniŭnia 2018 h. sud Savieckaha rajona Minska asudziŭ kiraŭnikoŭ prafsajuza REP Ihara Komlika i Hienadzia Fiadyniča na 4 hady abmiežavańnia voli biez nakiravańnia ŭ ustanovy adkrytaha typu z zabaronaj zajmać kirujučyja pasady terminam na 5 hod.
Ich asudzili pa č. 2 art. 243 Kryminalnaha kodeksa Respubliki Biełaruś (uchileńnie ad vypłaty padatkaŭ u bujnym pamiery). Pravaabaroncy pryznali hetuju spravu palityčna matyvavanaj. Ihar Komlik pačaŭ adbyvać «damašniuju chimiju» z 19 śniežnia 2018 hodu, Hienadź Fiadynič — sa studzienia 2019 hodu.
U listapadzie minułaha hodu stała viadoma, što Fiadynič i Komlik patrapili pad dziejańnie zakona ab amnistyi, pryniataha da 79-hodździa vyzvaleńnia Biełarusi ad niamiecka-fašysckich zachopnikaŭ. Termin adbyćcia pakarańnia im skaracili na hod.
-
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy
-
Jak Radzim Harecki pramianiaŭ karjeru ŭ Maskvie na Minsk i nie paškadavaŭ. Historyja žyćcia 96-hadovaha vice-prezidenta Akademii navuk
-
Paźniak: Vypuskajuć tolki prarasijskich ludziej, a nie biełaruskich patryjotaŭ
Ciapier čytajuć
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy2
Kamientary