Staršynia kancerna «Biełdziaržcharčpram» Ivan Dančanka 1 krasavika pradstaviŭ kalektyvu SAAT «Kamunarka» novaha kiraŭnika — Natallu Kot.Pra heta BiełaPAN paviedamili ŭ pres‑słužbie kancerna.
N.Kot u 2002—2003 hadach pracavała finansavym dyrektaram SP AAT «Spartak», a z 2003 hoda i da ciapierašniaha pryznačeńnia ŭznačalvała kandytarskuju fabryku «Słodyč». I.Dančanka pažadaŭ pośpiechaŭ novamu kiraŭniku i vykazaŭ nadzieju na toje, što «pradpryjemstva nie tolki nie zdaść zavajavanych pazicyj, ale i dasiahnie novych stanoŭčych vynikaŭ».
Staršynia kancerna vykazaŭ udziačnaść za šmathadovuju pracu raniejšamu kiraŭniku pradpryjemstva Ninie Atamanavaj, jakaja samastojna pryniała rašeńnie pakinuć pasadu i pajści na piensiju. Na pasadzie hiendyrektara «Kamunarki» jana pracavała z 2001 hoda.
Štohod SAAT «Kamunarka» vypuskaje da 25 tys. ton pradukcyi. Asartymient fabryki naličvaje bolš jak 300 najmieńniaŭ kandytarskich vyrabaŭ. Kala 30% pradukcyi adpraŭlajecca na ekspart: u ZŠA, Rasiju, Hiermaniju, Izrail i inšyja krainy. Pradukcyja fabryki štohod hodna zajaŭlaje pra siabie na nacyjanalnych i mižnarodnych vystavach praduktaŭ charčavańnia i kandytarskich vyrabaŭ, takich jak All candy (Čikaho), ISM (Kioln), World Food (Maskva), «Pradekspa» (Minsk) i h.d.
Kamientary