Bolš za 9,1 tys. abituryjentaŭ zarehistravałasia dla prachodžańnia prafiesijna‑psichałahičnaj hutarki z metaj pastupleńnia na śpiecyjalnaść «pravaznaŭstva».
Jak paviedamili BiełaPAN u Respublikanskim instytucie kantrolu viedaŭ Ministerstva adukacyi, bolš za 4,9 tys. abituryjentaŭ vykazali žadańnie prajści hutarku dla pastupleńnia na śpiecyjalnaść «dziaržaŭnaje kiravańnie i prava», bolš za 1,1 tys. — na «mižnarodnyja znosiny», kala 1,5 tys. — na «mytnuju spravu», kala 1 tys. — na «žurnalistyku».
Rehistracyju na hutarku prajšło bolš za 16,1 tys. abituryjentaŭ (u 2008 hodzie bolš za 14,1 tys.). 132 abituryjenty zarehistravalisia z parušeńniami, tamu nie dapuščany da vyprabavańniaŭ (letaś 111 čałaviek).
Prafiesijna‑psichałahičnaja hutarka prachodzić u VNU z 5 pa 30 krasavika.Hutarka pravodzicca pryjomnaj kamisijaj, u skład jakoj uvachodziać pradstaŭniki kiraŭnictva VNU, prafiesary, dacenty, vykładčyki, psichołahi, sacyjalnyja piedahohi, a taksama śpiecyjalisty adpaviednych halin ekanomiki i sacyjalnaj śfiery. Kamisija padčas hutarki z abituryjentam aceńvaje ahulny ŭzrovień jaho raźvićcia, matyvacyju pastupleńnia na tuju abo inšuju śpiecyjalnaść. Letaś vyprabavańnie nie prajšli kala 130 čałaviek.
Hutarka była ŭviedziena ŭ minułym hodzie ŭ adpaviednaści sa źmienami Praviłaŭ pastupleńni ŭ VNU. Jaje nieabchodna prajści dla pastupleńnia na śpiecyjalnaści «dziaržaŭnaje kiravańnie», «dziaržaŭnaje kiravańnie i prava», «dziaržaŭnaje kiravańnie i ekanomika», «mižnarodnyja znosiny», «mižnarodnaje prava», «pravaznaŭstva», «ekanamičnaje prava», «žurnalistyka», «mižnarodnaja žurnalistyka», «mytnaje sprava».
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary