Bijołah nazvała «dobruju i drennuju» vysnovy sa źviestak pra imunitet da karanavirusa
Usio bolš daśledčykaŭ, u asnoŭnym u Kitai, prychodziać da vysnovy, što arhanizm zachoŭvaje imunitet da virusa SARS-CoV-2 na paraŭnalna karotki čas. Na dumku doktara bijałahičnych navuk, prafiesara Škoły sistemnaj bijałohii Univiersiteta Džordža Mejsana (Virdžynija, ZŠA) Ančy Baranavaj, isnuje niekalki varyjantaŭ pracy imunnaha miechanizmu ŭ hetym vypadku, ź jakich možna zrabić drennuju i dobruju vysnovy, piša rbc.ru.
U pieršym varyjancie jość vierahodnaść, što imunnaja sistema niekatorych ludziej zdolnaja «vyčyščać» virus z arhanizma jašče da taho, jak jon paśpiavaje sintezavać antycieły.
«Heta i dobra, i drenna. Dobra, tamu što heta značyć, što naš imunitet z karanavirusnaj infiekcyjaj moža davoli chutka spraŭlacca. Drenna, bo virus u takim vypadku vyvodzicca zanadta chutka, imunnaja sistema nie paśpiavaje stvaryć tak zvanuju «antycielnuju pamiać» da infiekcyi», — patłumačyła jana.
Pryčym kali ŭ mnohich ludziej antycieły nie paśpiavajuć sintezavacca, to ŭ daktaroŭ i navukoŭcaŭ nie budzie mahčymaści daviedacca, da jakoj stupieni toj ci inšy čałaviek abaronieny ad karanavirusnaj infiekcyi. Što jašče horš, «sam čałaviek u takoj situacyi, padobna, zastajecca biez doŭhaterminovaj abarony ad COVID-19», dadała Baranava.
U druhim varyjancie moža być, što imunitet paśla COVID u cełym vypracoŭvajecca słaby i nie na doŭhi termin. Da takoj vysnovy možna pryjści, kali vyvučyć uzrovień antyciełaŭ, jaki ciapier nazirajecca ŭ niekatorych kitajcaŭ, jakija pieranieśli COVID-19.
«Niama padstaŭ kazać, što ŭ vypadku paŭtornaj infiekcyi reaktyvacyja imunitetu adbudziecca na bolš vysokim uzroŭni. Zvyčajna samyja vysokija ŭzroŭni antyciełaŭ zaŭsiody sintezujucca pry pieršaj sustrečy ź infiekcyjaj. Adpaviedna, pry paŭtornaj infiekcyi vypracoŭvajecca albo stolki ž antyciełaŭ, albo jašče mienš», — ličyć navukoviec.
Akramia taho, niama peŭnaści, što pry paŭtornym zaražeńni «pamiać» imunnaj sistemy pračniecca i jana pačnie vypracoŭvać niejtralizujučyja antycieły. «Tak pa idei pavinna adbycca. Ale ci adbudziecca ŭ vypadku z COVID-19, my dakładna nie viedajem», - padkreśliła jana.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary