My ŭsim chočam pakazać, što Kanstytucyja napisana dla žančyn — pramova Vieraniki Capkała
Vieranika Capkała patłumačyła, čamu kamanda jaje muža dałučyłasia da kamandy Śviatłany Cichanoŭskaj.
«Naša biahučaja ŭłada biessaromna źniała troch samych mocnych kandydataŭ na pasadu prezidenta Respubliki Biełaruś — heta Viktara Babaryku, Siarhieja Cichanoŭskaha, majho muža Valeryja Capkału. Paśla hetych biessaromnych padziej my vyrašyli abjadnacca, pakazać, što takoje žanočaja salidarnaść.
My bačym, što ciapier naša ŭłada baicca žančynu, a mienavita baicca Śviatłanu [Cichanoŭskuju], bo ŭ jaje muž znachodzicca ŭ turmie, jon zakładnik usioj hetaj situacyi. Śviatłana — maci, u jaje dvoje dziaciej. I my ŭsim chočam pakazać, što Kanstytucyja ŭ hetaj krainie napisana dla žančyn. Tamu my abjadnalisia, my salidarnyja sa Śviatłanaj jak z maci, jak z žančynaj.
My vierym, što my nie druhoha sortu, my naroŭni z mužčynami. I my vierym, što my pieramožam».
Kamientary