Čaćviorty tur čempijanatu Biełarusi pa futbole možna było śmieła raździalić na dźvie častki: matč «Dynama» (Minsk) — BATE i ŭsio astatniaje.
Čaćviorty tur čempijanatu Biełarusi pa futbole možna było śmieła raździalić na dźvie častki: matč «Dynama» (Minsk) — BATE i ŭsio astatniaje.
Supraćstajańnie dvuch najbolš paśpiachovych kamand u suvierennaj historyi biełaruskaha futbołu užo šmat hadoŭ źjaŭlajecca samaj vykštałconaj i smačnaj stravaj u posnym mieniu nacyjanalnaha pieršynstva.
Z usimi naciažkami hetyja matčy možna nazvać ajčynnym hrand‑kłasika, heta jak, prabačcie za karavaść paraŭnańnia, sustrečy madrydskaha «Reała» z «Barsiełonaj» u Ispanii, ci kijeŭskaha «Dynama» i danieckaha «Šachciora» va Ŭkrainie.
Choć matč i tranśliravaŭsia pa telebačańni, ale lepš takoje ŭbačyć žyŭcom.
I ludziej na futbole było nieparaŭnalna bolej, čym na tym ža «Čarnobylskim šlachu».Heta jašče raz dakazvaje słušnaść rašeńnia ab skaračeńni vyšejšaj lihi da dvanaccaci kamand. Tolki ŭjavicie, što naleta my pabačym až čatyry hulni pamiž minčanami i barysaŭcami.
Adnosna hulni było šmat čakańniaŭ. «Dynama» pad kiraŭnictvam sierba Słavaluba Muślina jašče nie razu nie prajhravała ŭ ramkach čempijanatu. BATE ž paśla fantastyčnaj vosieni ŭsio jašče nie moža nabrać patrebnych kandycyjaŭ, choć i zachapiŭ liderstva. Adnak na hetym ža tydni biazvolna sastupiŭ doma «Naftanu» ŭ miežach Kubku.
U pieršym tajmie haspadary vałodali bolšaj inicyjatyvaj. Adnak da realnych pahrozaŭ varotaŭ BATE sprava nie dachodziła. A voś naprykancy pieršaj pałovy małady dy rańni Maksim Skavyš udała skarystaŭsia kiepskim vynasam miača baśnijcam Šarabam i adkryŭ lik.
BATE na pierapynak sychodziła ŭ lepšym nastroi. Pačatak druhoha ž tajmu prynios «Dynama» jašče adnu biadu. Usio toj ža Skavyš idealna vykaciŭ miač partnioru, i Siarhieju Kryŭcu tolki i zastavałasia što trapić u pustyja varoty.
Nu a kali na 70‑aj chvilinie, ratujučy ad treciaha hołu, abaronca minčan Marcinovič vynies miač rukami z pustoj bramy, a Kryviec ź pienalci zrabiŭ lik bujnym, stała zrazumieła kančatkova:
BATE ŭ normie.
«Dynamaŭcaŭ» chapiła tolki na hoł prestyžu, jaki zabiŭ mahiloŭski hrenadzior Haŭruška – 1:3.
BATE praciahvaje kročyć biez parazaŭ. A voś kamandzie Słavaluba Muślina jość pra što zadumacca.
***
U astatnich matčach turu zafiksavanyja nastupnyja vyniki: «Minsk» — «Viciebsk» — 0:1, «Šachcior» — «Tarpieda» — 0:1, «Dniapro» — «Hranit» — 1:2, «Smarhoń» — «Nioman» — 0:2, «Homiel» — «Naftan» — 1:3, «Dynama» (Bieraście) — MTZ‑RIPA — 1:0.
Turnirnaja tablica paśla čatyroch turaŭ pryniała nastupny vyhlad: BATE — 12 punktaŭ, «Tarpieda», «Nioman» — pa 9, «Dynama» (Minsk), «Dynama» (Brest), «Naftan» — pa 7, MTZ‑RIPA, «Dniapro» — 6 punktaŭ, «Šachcior» — 5, «Homiel», «Viciebsk» — pa 4, «Hranit» — 3, «Smarhoń» — pa 1, «Minsk» — 0.
Najlepšy bambardzir Mikałaj Ryndziuk (MTZ‑RIPA) — 4 hały.
Źmicier Pankaviec
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary