Aficyjny pradstaŭnik Kramla Dźmitryj Piaskoŭ nie staŭ kamientavać inaŭhuracyju Łukašenki, zajaviŭšy, što heta suvierennaje rašeńnie aficyjnaha Minska.
— Ja tut nie chaču nijak kamientavać, bo heta absalutna suvierennaje ŭnutranaje rašeńnie biełaruskaha kiraŭnictva, — pryvodzić słovy Piaskova telehram-kanał RBK.
Dźmitryj Piaskoŭ taksama zajaviŭ, što mierapryjemstva nie praduhledžvała prysutnaść Pucina. Pres-sakratar prezidenta Rasii pryznaŭsia, što pra inaŭhuracyju jamu ničoha nie było viadoma.
Pry hetym Piaskoŭ nie zmoh adkazać, ci budzie kiraŭnik Rasii vinšavać Łukašenku ź inaŭhuracyjaj.
— Ja nie mahu vam skazać. Byvajuć, viadoma, u pratakolnym paradku niejkija vinšavańni, ci, moža być, jon vyrašyć patelefanavać, ale ŭ sapraŭdny momant ja nie vałodaju takoj infarmacyjaj, — zajaviŭ Piaskoŭ i nahadaŭ, što Pucin užo vinšavaŭ Łukašenku z abrańniem.
Piaskoŭ taksama paviedamiŭ, što vizit Pucina ŭ Minsk pakul nie płanujecca.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć31
Kamientary