U Biełarusi hadavaja inflacyja razahnałasia da 6,1% (ad vieraśnia da vieraśnia). U Nacbanku i MARH rastłumačyli, čamu paskoryŭsia rost cenaŭ. Nahadajem, u studzieni-vieraśni tavary i płatnyja pasłuhi padaraželi na 4,7%. Pry hetym raniej ułady płanavali, što hadavaja inflacyja ŭ 2020-m budzie nie vyšej za 5% (śniežań da śniežnia 2019-ha), piša tut.by.
«U vyniku ŭzrosłych inflacyjnych i devalvacyjnych čakańniaŭ, a taksama pasłableńnia biełaruskaha rubla hadavy pryrost spažyvieckich cen u vieraśni 2020 h. paskoryŭsia da 6,1 pracenta. Adnosna žniŭnia 2020 hoda spažyvieckija ceny ŭ vieraśni vyraśli na 0,94%», — adznačajuć u Nacbanku.
U MARH ličać, što paskareńnie spažyvieckich cen u hadavym vyražeńni na 0,5 pracentnaha punkta ŭ mnohim abumoŭlena pasłableńniem biełaruskaha rubla ŭ lipieni-žniŭni i, adpaviedna, padaražeńniem asobnych impartavanych tavaraŭ.
U viedamstvie ŭdakładniajuć, što ŭ hadavym vyražeńni praciahvajuć daražeć takija niecharčovyja tavary, jak adzieńnie, mebla, televizary, miedykamienty.
«U hrupie charčovych tavaraŭ adznačajecca paskareńnie rostu cenaŭ na rybu i rybapradukty (pavodle acenki, z 1,3% u hadavym vyražeńni ŭ žniŭni da 5% u vieraśni), a taksama niaznačnaje (na 0,1%) adnaŭleńnie cenaŭ na miasa i miasapradukty (paśla praciahłaha patańnieńnia ŭ traŭni-žniŭni hetaha hoda)», — padajuć statystyku ŭ MARH.
Na płodaaharodninnuju pradukcyju adznačajecca zapavoleńnie rostu cen u hadavym vyražeńni (upieršyniu z krasavika biahučaha hoda), pa acency, z 23,4% u žniŭni da 21,4% u vieraśni.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać25
Kamientary