Kiraŭnik BPC: Bolš karysci budzie, kali Carkva nie ŭdzielničaje niepasredna ŭ vyrašenni hramadskich prablem
Pra heta kiraŭnik Biełaruskaj pravasłaŭnaj carkvy zajaviŭ u intervju «Źviaździe», adkazvajučy na pytańnie, što pačatak jaho kiravańnia na pasadzie ijerarcha supaŭ z hramadska-palityčnym kryzisam u krainie.
«Naša Carkva, zhodna z vučeńniem, jakoje pakinuŭ nam Spasiciel, nie imkniecca źmianić uvieś śviet. Hetaha nie rabiŭ i Chrystos. Jaho słužeńnie zaklučałasia ŭ tym, kab pryviesci da vypraŭleńnia žyćcia kožnaha asobna ŭziataha čałavieka. Apostał Pavieł kaža: «Chrystos Isus pryjšoŭ u śviet spasci hrešnikaŭ, ź jakich pieršy — ja». Nam važnaja takaja ŭvaha da siabie, asensavańnie svajoj hrachoŭnasci, šlachoŭ dla vyratavańnia», — miarkuje carkoŭny kiraŭnik.
«Heta nie značyć, što my ŭchilajemsia ad pytańniaŭ, jakija chvalujuć hramadstva. My nie chavajemsia ad adkaznasci, ale asensoŭvajem, što bolš karysci budzie, kali Carkva nie ŭdzielničaje niepasredna ŭ vyrašenni prablem, ale vykazvaje svajo mierkavańnie z punktu hledžańnia Jevanhiella i praz malitvu starajecca dapamahać ludziam, jakija źjaŭlajucca dziećmi Carkvy», — miarkuje mitrapalit Vienijamin
«Kožny čałaviek u Carkvie zaklikany da taho, kab šukać volu Božuju ŭ kožnym kankretnym vypadku, u adpaviednasci z hetym prymać rašeńnie, jak jamu pastupić, kab było pravilna i jak Boh choča. Nie zaŭsiody našy emocyi, stanoŭčyja abo admoŭnyja, dobryja daradcy. Nam usim nieabchodna prasić u Boha mudrasci i razvažlivasci ŭ hetyja dni vyprabavańniaŭ dla našaha hramadstva», — dadaŭ jon.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2929
Kamientary