Kandydatam dla ŭdziełu ŭ prezidenckaj kampanii ad biełaruskich chryścijanskich demakrataŭ abrany Vital Rymašeŭski.
Takoje rašeńnie šlacham tajnaha hałasavańnia pryniali ŭdzielniki nacyjanalnaj kanfierencyi niezarehistravanaj partyi Biełaruskaja chryścijanskaja demakratyja (BCHD), jakaja prajšła 23 maja ŭ Minsku.
Na hetuju pasadu pretendavali try kandydaty: sustaršynia BCHD, kaardynatar kampanii «Pakajańnie» Vital Rymašeŭski, sustaršynia BCHD, kaardynatar kampanii pa abaronie pravoŭ na svabodu sumleńnia Hieorhij Dźmitruk i namieśnik kiraŭnika Minskaj haradskoj arhanizacyi partyi Leanid Skorabahaty.
U vyniku padliku hałasoŭ vyśvietliłasia, što sa 103 biuleteniaŭ dva byli pryznanyja niesapraŭdnymi, za Skorabahataha prahałasavali vosiem čałaviek, za Dźmitruka — 25, za Rymašeŭskaha — 68. Takim čynam, apošni nabraŭ bolš za 50 pracentaŭ hałasoŭ delehataŭ kanfierencyi i pieramoh u pieršym tury.
***
Vital Rymašeŭski naradziŭsia ŭ 1975 hodzie. Pracuje viadučym ekanamistam viadomaj kampanii «Biełaruś kapitał mieniedžmient» (Rasija).
Adukacyja vyšejšaja. Zakončyŭ budaŭničy fakultet Biełaruskaha nacyjanalnaha techničnaha univiersiteta pa śpiecyjalnaści «Inžynier-budaŭnik». Prafiesijna zajmajecca palitykaj z 1996 hoda — tady jon staŭ členam kaardynacyjnaje rady arhanizacyi Biełaruskaje ab`iadnańnie maładych palitykaŭ. U 1999 hodzie vučyŭsia ŭ Hiermanii na kursach vyšejšaj škoły dziaržkiravańnia ŭ instytucie Sajuz hramadskaha kiravańnia, vyvučaŭ ekanamičnaje i palityčnaje ŭstrojstva FRH. U 2005—2006 hodzie — kaardynatar pieradvybarnaj kampanii kandydata ŭ prezidenty Biełarusi Alaksandra Milinkieviča pa Frunzienskim rajonie Minska.
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?25
Kamientary