Panelka ŭ Minsku z-za ŭrahanu načysta straciła pryrodnaje ŭpryhožańnie FOTAFAKT
Znakamitaja minskaja panelka na vulicy Makajonka z-za niadaŭniaha ŭrahanu straciła vializny vinahradnik na fasadzie. Pra heta raskazaŭ adzin z čytačoŭ vydańnia «Anłajnier».
Raślina nie patrabavała dohladu i samastojna raspaŭzałasia pa ścienach doma. Žycharam zastavałasia chiba što padrezać łazu, jakaja naviaźliva lezła ŭ vokny. Ale ciapier efiektny «simbijoz» šeraha bietonu z žyvoj pryrodaj možna ŭbačyć chiba što na malunkach: vinahradnik zrezali.
Žurnalisty źviazalisia z ŽEU №3 Pieršamajskaha rajona, jaki absłuhoŭvaje šmatpaviarchovik na vulicy Makajonka, 13a, kab daviedacca, kudy dzieŭsia vinahradnik.
«Tak, sapraŭdy, raślinu pryjšłosia zrezać. 13 lipienia ŭ Minsku bušavaŭ urahan, jaki vyrvaŭ častku raśliny z 3-ha pa 9-y pavierch, i jana pačała ŭjaŭlać pahrozu. Z-za vietru ściabliny raślin stukali ŭ vokny i mahli lohka raźbić škło. Žychary stali aktyŭna telefanavać u dyśpietčarskuju i MNS z prośbami chutčej zrezać vinahradnik».
Pa słovach kamunalnikaŭ, niahledziačy na ŭsiu pryhažość zielaniny, jana dastaŭlała dyskamfort uładalnikam kvater panelki, tamu małavierahodna, što joj daduć mahčymaść razraścisia znoŭ.
U najbližejšy čas vinahradnik vysiekuć pad korań.
Kamientary
A to strana savietaú praciahvaje žyć praz takich łuzieraú i biestałačaú...