Kampanija «Budźma!» zaprašaje na ŭračystaść z nahody zaviaršeńnia fotakonkursu «Budźma biełarusami!»
U kinateatry «Centralny» (Minsk, pr‑t Niezaležnaści, 13) a 13‑00 27 maja buduć uznaharodžanyja fotahrafy‑pieramožcy ŭ troch naminacyjach:
Andrej Rohač (naminacyja »Ludzi Biełarusi»), Śviatłana Stankievič (naminacyja »Budźma jeŭrapiecjami!») i Jury Makarčuk (naminacyja »Kraina Biełaruś»).
Ciaham piaci miesiacaŭ u fotakonkursie «Budźma biełarusami!» ŭziali ŭdzieł bolš za sto piaćdziasiat aŭtaraŭ z roznych miaścin Biełarusi,a taksama z roznych krainaŭ śvietu. Fatohrafy raskryvali temy: «Ludzi Biełarusi» (asoby i charaktary biełarusaŭ), «Kraina Biełaruś» (krajavidy i situacyi, jakija padkreślivajuć unikalnaść Biełarusi), «Budźma jeŭrapiejcami!» (biełaruskija asoby, siužety i vobrazy, jakija pakazvajuć jeŭrapiejskaść biełarusaŭ). Žury konkursu skłali viadomyja majstry vizualnych vidaŭ mastactva: Michał Aniempadystaŭ, Anatol Klaščuk i Andrej Lankievič.
Pryzami dla pieramožcaŭ stanucca persanalnyja sajty‑halerei ad resursu www.budzma.org.
U časie ŭračystaści možna budzie taksama paznajomicca z tvorami aŭtaraŭ, čyje raboty pieramahali ŭ pramiežkavych turach konkursu.
U miežach imprezy adbudziecca vystup śpiavački Kasi Kamockaj.
Kamientary