«Vydača dazvołaŭ na pieramiaščeńnie nie praduhledžana». Pružancy skardzilisia na zatrymańni i atrymali adkaz ad uładaŭ
Staršynia Pružanskaha rajvykankamu paraiŭ žycharam Pružanaŭ, jakich supracoŭniki milicyi nia raz zatrymlivali «dla vyśviatleńnia asoby», źviartacca ŭ prakuraturu, piša Radyjo Svaboda.
Miascovyja aktyvisty, jakich na vulicach horada apošnim časam zatrymlivali pa 5-9 razoŭ «dla vyśviatleńnia asoby», nakiravali staršyniu Pružanskaha rajvykankamu zapyt, u jakim prasili dać im dazvoł naviedvać kramy, chadzić pa horadzie pieššu i pieramiaščacca na transparcie biez zatrymańnia Pružanskim RAUS.
Hanna Baran u zajavie prasiła «vydać dazvoł hulać pa horadzie Pružany i stajać na aŭtobusnym prypynku». Jaje zatrymlivali dzieviać razoŭ, kali jana išła z parku, pa haradzkoj płoščy ci stajała na prypynku.
Ludmiła Caranu pisała staršyniu, kab joj dazvolili naviedvać kramy, apteki, svabodna pieramiaščacca pa vulicach i darohach svajho horadu i rajonu, znachodzicca na prypynkach hramadzkaha transpartu, la navahodnich jalinak «biaz ryzyki być zatrymanaj i asudžanaj».
«U maju kvateru prychodziać i stukajuć u dźviery supracoŭniki RAUS, zatrymlivajuć na pracoŭnym miescy, źmiaščajuuć u IČU jak niebiaśpiečnaha złačyncu, tym samym prynižajučy maju čałaviečuju hodnaść pierad hramadztvam, prynosiačy tym samym maralnyja i dušeŭnyja pakuty», — piša Ludmiła Caranu.
Staršynia Pružanskaha rajvykankamu Jury Bisun adkazaŭ Hańnie Baran, što pavodle 30-ha artykuła Kanstytucyi Biełarusi hramadzianie majuć prava svabodna pieramiaščacca.
«Vydača jakich-niebudź dazvołaŭ na pieramiaščeńnie ŭ miežach administracyjna-terytaryjalnaj adzinki miascovymi orhanami ŭłady zakanadaŭstvam nie praduhledžana», — havorycca ŭ adkazie staršyni.
U vypadku niezakonnaha zatrymańnia Jury Bisun paraiŭ abskardžvać dziejańni supracoŭnikaŭ milicyi ŭ prakuraturu Pružanskaha rajonu albo va ŭpraŭleńnie ŭnutranych spravaŭ Bieraściejskaha abłvykankamu.
Adnak pružancaŭ nadalej zatrymlivajuć.
Staršynia miascovaj kaardynacyjnaj rady Hanna Baran paviedamiła Svabodzie, što pružancaŭ zatrymlivali ciaham tydnia.
«U Pružanach dva dni zapar aŭtazak zabiraje ludziej z aŭtobusnaha prypynku, jaki pružancy nazyvajuć «prypynkam Pieramien». Ludziej, jakija čakajuć aŭtobusa na prypynku, sadziać u aŭtazak i viazuć u RAUS. Supracoŭniki nie nazyvajucca i zatrymlivajuć ludziej «dla vyśviatleńnia asoby», nie ratuje navat najaŭnaść pašpartu. Hutarki z zatrymanymi pravodzić padpałkoŭnik Pavieł Sandryhajła», — skazała Hanna Baran.
Pružancaŭ taksama zatrymlivajuć dla dopytu va ŭpraŭleńni Śledčaha kamitetu ŭ Bieraściejskaj vobłaści jak padazravanych pa č. 1 art. 342 Kryminalnaha kodeksu (Arhanizacyja i padrychtoŭka dziejańniaŭ, što hruba parušajuć hramadzki paradak, albo aktyŭny ŭdzieł u ich) za karahody ŭ Bieraści. Siamiora pružancaŭ ciapier znachodziacca pad padpiskaj ab niavyjeździe.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary