Rana ci pozna moładź pačuje nie zakliki zamiežnych Telegram-kanałaŭ, a hołas rozumu i skaža dziakuj tym, chto zachavaŭ krainu. Ab hetym Łukašenka zajaviŭ, źviartajučysia da ŭdzielnikaŭ Biełaruskaha navahodniaha balu dla moładzi, jaki prachodzić u Pałacy Niezaležnaści, pieradaje BiełTA.
«Ja absalutna vieru ŭ vas. Tak, my pieražyvajem niaprosty čas. Tak, časam u avanhardzie padziej — junyja i haračyja hałovy, vašy hałovy. Tak było zaŭsiody. I ŭ maje časy, i paźniej. Ale ŭpeŭnieny: rana ci pozna ŭsie našy dzieci pačujuć nie zakliki zamiežnych Telegram-kanałaŭ, a hołas rozumu. I skažuć dziakuj tym ludziam, jakija siońnia zmahajucca na pieradavoj za budučyniu, — skazaŭ palityk. — A my, sabraŭšy volu ŭ kułak, i dalej budziem słužyć svajoj krainie, kab zachavać jaje dla vas. Takaja histaryčnaja misija vypała na dolu pakaleńnia stvaralnikaŭ niezaležnaj Biełarusi. I my vykanajem jaje sumlenna. Heta ja vam abiacaju».
«Vy ŭsie vučyli historyju i pavinny pamiatać: stahodździami naša ziamla była pad botam inšaziemcaŭ. Usio heta było i nie pavinna paŭtarycca, kali my sapraŭdy chočam być niezaležnymi», — dadaŭ Łukašenka.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie9
Kamientary