Łukašenka vykazaŭsia pra skarhi na žorstkaść siłavikoŭ: Da leta raźbiaromsia
Łukašenka siońnia na sustrečy sa studenckaj moładździu raspavioŭ ab razhladzie skarhaŭ ad paciarpiełych padčas pratestaŭ u žniŭni.
«Ja maju prava pamiłavać taho ci inšaha čałavieka. I kali błudny, kali jon pamyliŭsia, to my jaho nie tolki vyzvalim ad kryminalnaj adkaznaści, ale i adnovim u VNU. Treba spakojna da hetaha padyści i prafiesijna», — skazaŭ Alaksandr Łukašenka.
Jon adznačyŭ, što hetyja pytańni treba vyvučać akuratna, rabić adpaviednyja vysnovy. «Kali jość takija ludzi, moža być, i vy zaniesiacie prapanovy (stvorycie kamisiju), kahości treba adnavić. A vyrašać vy pavinny, pierš za ŭsio. Ja prymu vašu prapanovu», — zapeŭniŭ palityk.
Havoračy ab skarhach ad paciarpiełych padčas pratestaŭ, Łukašenka zajaviŭ, što hetyja pytańni trymajucca na kantroli. «My hetyja skarhi abjadnali. Jany znachodziacca pad kantrolem peŭnych hrup śledčych. Heta značyć, jany nie raskidanyja pa ŭsioj krainie. I my ich razhladajem», — skazaŭ Alaksandr Łukašenka. Pa jaho słovach, takich skarhaŭ niekalki sotniaŭ. «Kali ščyra, ja nie viedaju detalova, u jakija hadziny i dni heta budzie zavieršana, ale ja ŭpeŭnieny, što da leta my raźbiaromsia z usimi hetymi skarhami. Mnie zdajecca, pałovu (hienprakuror dakładvaŭ) užo razabrali», — skazaŭ palityk.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj12
Kamientary