Ci treba płacić padatak za katoŭ? Biełaruska raspaviała pra niečakany vizit milicyi

Biełaruska apublikavała videa, u jakim raspaviała pra niečakany vizit milicyjaniera. Pavodle jaje słoŭ, heta adbyłosia kala vaśmi viečara, kali siamja ŭžo źbirałasia kłaścisia spać.

«Da nas učora prychodziŭ milicyjanier, było niedzie hadzin vosiem viečara, my ŭžo rychtavalisia da snu, i tut stuk u dźviery. Ja nie čakała nikoha, adkryvaju — tam milicyjanier. I jon pačynaje pytacca, chto tut pražyvaje, hod naradžeńnia, dzie pracujecie, nie pracujecie, jakija sadki i škoły naviedvajuć dzieci i tak dalej», — raspaviadaje dziaŭčyna ŭ svaim roliku.

@kristinapevets19 #kristinapevets #žizńpoślerazvoda #nałohi#biełaruś#nałohnaživotnych ♬ orihinalnyj zvuk - Kristina_Pevets

Paśla taho jak jon zapisaŭ usiu infarmacyju, prahučała niečakanaje pytańnie: «Jon pytajecca: a kociki-sabački jość? Ja kažu — tak, jość kot. A jon: a jon zarehistravany, padatak płacicie?»

Žančyna pryznajecca, što była šakavanaja pačutym: «Ja dumaju: što? Ja ŭpieršyniu pra heta čuju. Pra sabak čuła, što treba rehistravać i płacić padatak, ale pra katoŭ — uvohule ŭpieršyniu».

Jana vyrašyła ŭdakładnić, ci dakładna havorka idzie pra katoŭ: «Ja ŭ jaho pytajusia: što, i na katoŭ taksama? Jon kaža: nu tak, kaniešnie. Zaraz, na pieršy raz, prosta papiaredžvaju — zarehistravać kata».

Paśla razmovy biełaruska pačała šukać infarmacyju: «Ja prosta ŭ šoku, dumaju, dzie heta rabić i jak. Pačała huhlić — i, ščyra, nie znajšła infarmacyi, što treba płacić padatak na kata. Abo ja čahości nie razumieju, abo jon mianie ŭvioŭ u zman».

Jak na situacyju adreahavali ŭ kamientarach

Biełaruskija karystalniki pastavili pad sumnieŭ słovy milicyjaniera, pra jakoha raspaviała dziaŭčyna.

• «U mianie koška chutka narodzić, dzie stać na ŭlik, kab atrymlivać dapamohu pa ciažarnaści i rodach na 6—7 niepaŭnaletnich?»
• «Adnaho nie razumieju, čamu za kata treba płacić i za što ŭvohule hety padatak?».
• «A much i kamaroŭ, jakija ŭ kvateru zalacieli, taksama treba rehistravać?».
• «Tady i katam patrebna biaspłatnaja miedycyna».
• «Kali ja zarehistruju dvuch katoŭ, mnie nie chopić płoščy — pajdu stanavicca ŭ čarhu na pašyreńnie žylla».
• «A kali kot u mianie ŭ haściach?».

Što kaža zakon

Adznačym, što z hetaha hoda ŭ Biełarusi pačaŭ dziejničać padatak na sabak. Adnačasova novyja normy zakanadaŭstva abaviazvajuć uładalnikaŭ rehistravać usich chatnich žyvioł, u tym liku jak sabak, tak i katoŭ, kali jany ŭtrymlivajucca ŭ žyłych pamiaškańniach.

Pamier padatku zaležyć ad parody sabaki: dla tych, što adnosiacca da niebiaśpiečnych, jon vyšejšy, čym dla zvyčajnych. Pry hetym praduhledžany asobnyja vyklučeńni — naprykład, dla sabak-pavadyroŭ. Akramia taho, isnujuć padatkovyja lhoty dla ŭładalnikaŭ, jakija trymajuć niekalki sabak.

Što datyčycca katoŭ, to dla ich padatak nie ŭstanoŭleny.

• 3
• 1
• 3
• 12
• 1
• 0
• 8
• 0