Zdareńnie adbyłosia na 551-m kiłamietry trasy M1 Brest — Minsk — miaža RF.
Dniom 13 lutaha pad Oršaj hruzavik z-za mocnaha vietru vylecieŭ u kiuviet, piša Tut.by sa spasyłkaj na pres-słužbu MUS.
Zdareńnie adbyłosia na 551-m kiłamietry trasy M1 Brest — Minsk — miaža RF. Ekipaž DAI zaŭvažyŭ, što ŭ kiuviecie znachodzicca hruzavaja mašyna z uklučanaj avaryjnaj sihnalizacyjaj. Padjechaŭšy da kiroŭcy, inśpiektary daviedalisia, što aŭtamabil źniesła z darohi paryvistym vietram.
Z-za składanych pahodnych i darožnych umoŭ siońnia adbyłosia jašče niekalki avaryj. Naprykład, ranicaj na trasie M5 Minsk — Homiel kiroŭca Citroen nie spraviłasia z kiravańniem aŭtamabila i ŭrezałasia ŭ aharodžu.
A dniom na 283-m kiłamietry trasy M1 Brest — Minsk — miaža RF Nissan trapiŭ u zanos, urezaŭsia ŭ aharodžu i spadarožnuju Skoda.
U suviazi ź niespryjalnymi ŭmovami nadvorja DAI rekamienduje ŭsim udzielnikam darožnaha ruchu vykonvać pavyšanyja miery biaśpieki. Na hetym tydni na darohach krainy adbyłosia 2439 drobnych avaryj (biez paciarpiełych), a taksama 29 DTZ, u jakich try čałavieki zahinuli i 30 atrymali traŭmy.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary