Здарэнне адбылося на 551-м кіламетры трасы М1 Брэст — Мінск — мяжа РФ.
Днём 13 лютага пад Оршай грузавік з-за моцнага ветру вылецеў у кювет, піша Tut.by са спасылкай на прэс-службу МУС.
Здарэнне адбылося на 551-м кіламетры трасы М1 Брэст — Мінск — мяжа РФ. Экіпаж ДАІ заўважыў, што ў кювеце знаходзіцца грузавая машына з уключанай аварыйнай сігналізацыяй. Пад'ехаўшы да кіроўцы, інспектары даведаліся, што аўтамабіль знесла з дарогі парывістым ветрам.
З-за складаных пагодных і дарожных умоў сёння адбылося яшчэ некалькі аварый. Напрыклад, раніцай на трасе М5 Мінск — Гомель кіроўца Citroen не справілася з кіраваннем аўтамабіля і ўрэзалася ў агароджу.
А днём на 283-м кіламетры трасы М1 Брэст — Мінск — мяжа РФ Nissan трапіў у занос, урэзаўся ў агароджу і спадарожную Skoda.
У сувязі з неспрыяльнымі ўмовамі надвор'я ДАІ рэкамендуе ўсім удзельнікам дарожнага руху выконваць павышаныя меры бяспекі. На гэтым тыдні на дарогах краіны адбылося 2439 дробных аварый (без пацярпелых), а таксама 29 ДТЗ, у якіх тры чалавекі загінулі і 30 атрымалі траўмы.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары