«Azot» uźvinciŭ ceny na ŭhnajeńni ŭ 1,6 razu, sielhaśniki ŭ šoku
«Hrodna Azot» mocna pavysiŭ košty na ŭhnajeńni, što vykarystoŭvajucca ŭ sielskaj haspadarcy. Za paŭhoda na niekatoryja vidy ŭhnajeńniaŭ ceny vyraśli na 60%.
Biez azotnych uhnajeńniaŭ na nizkaŭradlivych biełaruskich ziemlach nie atrymaješ dobrych uradžajaŭ. Rost cen na haz pryvioŭ da skačka cen i na pradukcyju «Hrodna Azota», jakaja z hazu vyrablajecca.
Karbamida-amijačnyja sumiesi padaraželi na 62-63% (KAS-28 — z 450 da 734 rub/t, KAS-30 — z 483 da 787 rub/t, KAS-32 — z 515 da 839 rub/t). Pryliravany karbamid roznych sartoŭ padskočyŭ na 25% (u siarednim, z 830 da 1038 rub/t), a hranulavany karbamid — na 24% — z 865 da 1076 rub/t.
Heta asnoŭnyja ŭhnajeńni, jakija ŭnosiać na pali. Kali haspadarki ŭniasuć mienš uhnajeńniaŭ, na nastupny hod heta adabjecca na ŭradžajnaści.
Nahadajem, sioleta ŭradžajnaść ziernia ŭ Biełarusi była najnižejšaj u rehijonie. Było namałočana kala 6,3 miljona ton ziernia suprać minułahodnich 8,8 miljona ton. Pryčym u Litvie i susiednich abłaściach Ukrainy ŭradžajnaść apiaredžvała biełaruskuju bolš čym u 1,5 razu.
Padaražeńnie abumoŭlena ahulnym rostam cen na ŭhnajeńni ŭ śviecie. Adnak, jak skazali «Našaj Nivie» dva surazmoŭcy ŭ sielhaśsiektary, ciažka zrazumieć, čamu ŭnutranyja ceny ŭ Biełarusi vyraśli, choć cana rasijskaha hazu dla krainy zastałasia niaźmiennaja. «Za košt nas chočuć kampiensavać straty inšych siektaraŭ ad sankcyj», — miarkuje adzin z surazmoŭcaŭ.
Čytajcie taksama:
Biełaruś placiecca ŭ chvaście pa zbory zbožža. Śpiecyjalisty tłumačać, čamu tak adbyłosia
Suśvietnyja ceny na pradukty charčavańnia ciapier samyja vysokija za apošnija 46 hadoŭ
Cichanoŭskaja: Pierapryznačeńnie Łukašenki nie maje nijakaha ŭpłyvu na maju dalejšuju pracu2
Kamientary