Viadomy mastak-hrafik Uładzimir Sytčanka pamior na 71-m hodzie žyćcia ad karanavirusa, paviedamlaje Biełaruski sajuz mastakoŭ.
Uładzimir Sytčanka — vučań Vasila Šaranhoviča i Paŭła Lubamudrava. U mastackich vystavach udzielničaŭ z 1975 hoda. Pracavaŭ u roznych žanrach stankovaj i knižnaj hrafiki, a taksama ŭ žyvapisie i płakacie. Raboty znachodziacca ŭ Nacyjanalnym mastackim muziei Biełarusi, fondach hramadskaha abjadnańnia «Biełaruski sajuz mastakoŭ». Vykładaŭ u Biełaruskaj dziaržaŭnaj akademii mastactvaŭ (z 2000 h.). Z 1988 h. — siabra hramadskaha abjadnańnia «Biełaruski sajuz mastakoŭ».
Uładzimir Sytčanka taksama byŭ knižnym ilustrataram. Jon azdablaŭ i zachaplalnyja dziciačyja knižki, jak «Pryhody Elektronika i jaho siabroŭ», «Karjer» Vasila Bykava, knihi Anatola Viarcinskaha…
Supracoŭničaŭ ź viadučymi biełaruskimi vydaviectvami: «Litaratura i mastactva», «Narodnaja adukacyja», «Biełaruś», «Junactva», «Charviest», «Halijafy», i inšymi. U jaho afarmleńni vydadziena bolš za 400 knih roznych žanraŭ.
Stała viadoma, chto žanich byłoj deputatki Maryi Vacilevič7
Kamientary