Biełaruś raźličvaje da kanca hoda adhruzić praz rasijskija party nie mienš za 2,3 młn ton naftapraduktaŭ, što na 35% vyšej za zapłanavany pakazčyk.
Pra heta ŭ paniadziełak paviedamiŭ staršynia kancerna «Biełnaftachim» Andrej Rybakoŭ, piša TASS.
«My ŭžo pieraaryjentavali našy pastaŭki na party Rasijskaj Fiederacyi. My aceńvajem pa vynikach hoda, što pry płanach dzieści 1,7 młn ton my vyjdziem pa fakcie na pastaŭki nie mienš za 2,3 młn ton».
Pa słovach Rybakova, dla biełaruskaha boku «na siońniašni dzień heta vyhadna». Razam z tym staršynia kancerna adznačyŭ, što Minsk nie pakidaje i manitorynh prybałtyjskaha kirunku. «Pry nieabchodnaści budziem pracavać i tam. Peŭnaja praca tam taksama idzie pa asobnym hruzapatokach», — dadaŭ jon.
U lutym Biełaruś i Rasija padpisali mižuradavaje pahadnieńnie ab arhanizacyi supracoŭnictva ŭ halinie pieravozki i pieravałki biełaruskich naftapraduktaŭ, pryznačanych na ekspart u trecija krainy, praz rasijskija marskija party. Sam ekspart pačaŭsia z sakavika. Raniej asnoŭny abjom biełaruskaha ekspartu naftapraduktaŭ išoŭ praz party krain Bałtyi.
Ciapier čytajuć
Kudy ciapier jeduć vučycca biełaruskija studenty — top krain i tendencyj8
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7070
Kamientary