Pa słovach ministra ŭnutranych spraŭ Estonii Kryścijana Jaani, estonskaja palicyja zatrymała piać nielehalnych mihrantaŭ, jakija trapili na terytoryju ES praź Biełaruś, paviedamlaje ERR News.
Ministr zajaviŭ, što samaja vialikaja ryzyka ŭ tym, što Estonija stanie tranzitnym kanałam dla nielehalnych mihrantaŭ u paŭnočnyja krainy. «Na ščaście, taki scenar pakul nie realizavaŭsia», — dadaŭ Jaani.
Pavodle jaho, dvaich ź piaci zatrymanych u Estonii mihrantaŭ ź Biełarusi ŭžo adpravili nazad u krainu pachodžańnia — Irak, jany vyrašyli viarnucca dobraachvotna. Jašče adnaho adpraviać u čaćvier. Sudovaja vytvorčaść adnosna jašče dvuch mihrantaŭ pakul nie zavieršana.
Kryścijan Jaani adznačyŭ, što ŭvaha palicyi zasiarodžanaja na ŭnutranych miežach, asabliva ŭ pasažyrskim porcie Talina, pakolki možna mierkavać, što meta mihrantaŭ — praniknuć u paŭnočnyja krainy. «Ale my dziejničajem i na paŭdniovaj miažy. Pakul na estonska-rasijskaj miažy nijakich źmien nie nazirałasia», — dadaŭ ministr.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary