«Najbolš u centry i na zachadzie krainy». Z pačatku śniežnia idzie novaja chvala vobšukaŭ i zatrymańniaŭ
Z pačatku śniežnia ŭ Redakcyju «NN» prychodziać paviedamleńni pra toje, što siłaviki prychodziać u kvatery z vobšukami, vypadkova zatrymlivajuć ludziej, praviarajuć techniku. Pakul viadoma, što prychodziać da naziralnikaŭ za vybarami 2020 hoda i vałancioraŭ jak pravaabarončych arhanizacyj, tak i štaboŭ kandydataŭ. Ahulnaja kolkaść takich vypadkaŭ dakładna nie viadomaja. Pravaabaroncy pakul taksama nie mohuć jaje acanić.
Jak raskazvajuć nam vidavočcy, vielmi časta prychod adbyvajecca pa takim scenaryi: ranicaj u kvateru ŭłomvajucca ŭzbrojenyja ludzi, jakija pieravaročvajuć rečy i załaziać u techniku. Kali ničoha «zabaronienaha» nie znojdziena, to čałavieku moža paščaścić. Kali niešta jość — vynik niepradkazalny, ažno da kryminałki.
Nakolki možna mierkavać pa vodhukach našaj aŭdytoryi, najbolš aktyŭnyja siłaviki na zachadzie i ŭ centry krainy, u Minsku.
«Mianiajem adrasy, telefony i simki, vychodzim na vulicy ŭ maskach, čakajem, pakul chvala projdzie», — kaža «Našaj Nivie» adzin z vałancioraŭ.
«Zvoniać na mabilny: «Tut u dvary mašynu tvaju padrapaŭ, paprasiŭ u DAI numar, spuścisia raźbiaremsia. U mianie staić GetContact, i tam hety «susied» padpisany «Miša hubop». Ja praz akno i dalej adtul, pierasiadžu ŭ biaśpiečnym miescy», — tłumačyć jašče adzin čałaviek.
«Prychodzili pa miescy prapiski tavaryša, adkryła sastarełaja maci: «Jon tut daŭno nie žyvie». Raźviarnulisia, prosta ŭ padjeździe ich uvahu pryciahnuli dźvie maładyja dziaŭčyny, jakija spuskalisia pa leśvicy. Spynili, zaleźli ŭ mabilniki — a tam padpiski i reposty. Zatrymali — płan vykanany», — raskazvaje jašče adzin vidavočca.
Pry hetym, byvajuć i vypadkovyja zatrymańni.
«Nam usim skazali prasačyć za tym, kab nie było padpisak na «varožyja» kanały, kab doma nie było simvoliki i hetak dalej, bo miarkujecca, što advolnaj achviaraj moža stać supracoŭnik luboj arhanizacyi», — havoryć supracoŭnik dziaržaŭnaj arhanizacyi, jakaja, zdavałasia b, nie pavinna była trapić pad katok.
Dakładnaj ličby, kolki pa krainie takich vypadkaŭ, nie viedajuć navat pravaabaroncy. Acanić masštab i razmach pakul niama mahčymaści.
«Hetaja chvala maje vielmi taki zakryty charaktar, my daviedvajemsia nie pra kožny vypadak napadzieńnia na ludziej. A sami jany nie paviedamlajuć, bo ciapier niama nijakich efiektyŭnych miechanizmaŭ abarony i pryciahvańnia da adkaznaści vinavatych, ludzi bajacca pahoršyć svajo stanovišča, — kaža pravaabaronca «Viasny» Pavieł Sapiełka. — My traktujem usio heta jak advolnyja dziejańni, nakiravanyja na zapałochvańnie, a nie na rasśledavańnie niejkich kankretnych złačynstvaŭ. Maja parada ludziam u hetaj situacyi: vyžyć, zachavać žyćcio, zdaroŭje i svabodu».
Čytajcie taksama: Čystki da refierendumu? Čamu pa ŭsioj krainie ŭ žurnalistaŭ, vałancioraŭ i naziralnikaŭ za vybarami prachodziać vobšuki
-
Biełarusy, jakim nie ŭdałosia atrymać adukacyjnyja dakumienty na radzimie, mohuć pastupać u polskija VNU pa śpiecyjalnaj pracedury
-
Biełaruska pracaŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
-
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary