Arhanizatary pleneru abiacajuć niezabyŭnaje vidovišča.
Arhanizatary pleneru abiacajuć niezabyŭnaje vidovišča.
Praviadzieńnie skulpturnaha pleneru «Lehienda ź piasku» stanovicca dobraj tradycyjaj. Sioleta 21–23 lipienia adbudziecca ŭžo šosty padobny fest. Hetym razam miescam jaho praviadzieńnia stanie Homiel. Mastak Henik Łojka tłumačyć, čamu mienavita horad nad Sažom byŭ abrany dla pleneru: «Letaś, kali my ŭ Krevie vyrablali ź piasku postać Kiejstuta, tam prysutničaŭ homielski chłopiec Jaŭhien Malikaŭ, jon zachapiŭsia idejaj pravieści plener u svaim horadzie. Paźniej Jaŭhien samastojna vyjšaŭ na mianie z takoj inicyjatyvaj, tamu my i jedziem u Homiel».
Za siem hadoŭ isnavańnia pleneru chto tolki ni byŭ jaho hałoŭnym hierojem: bandyt Mašeka ŭ Mahilovie, vialikija kniazi Mindoŭh z Kiejstutam, niepakorlivaja Rahnieda ŭ svaim Zasłaŭi. Na hety raz udzielniki źbirajucca stvaryć vyjavu cmoka. Heta tłumačycca tym, što sp.Malikaŭ dosyć daŭno zachaplajecca hetymi mityčnymi istotami.
«Narmalny vybar, – śmiajecca Henik Łojka. – Voś niadaŭna Iryna Dubianieckaja znajšła biełaruskuju lirnuju pieśniu, dzie kazałasia: «Skul uziałosia śviatoha Jurja i niavinnaha cmoka zabiŭ». Dla biełarusaŭ heta charakterna, što cmok jakraz niavinny, a nia złosny i biaźlitasny».
Ułady Homielu nia stali zaminać u arhanizacyi pleneru, a navat dali ŭdzielnikam centralny plaž horadu na karystańnie, abiacajuć taksama dapamahčy ź piaskom. Arhanizatary miarkujuć, što asnoŭnuju rolu ŭ vyrabie cmoka adyhrajuć sami homielcy, a nia mienskija hości. «Naša sprava – tolki dać hamielčukam patrebny impuls, – kaža Henik. – Tamu zaprašajem usich achvotnych».
U niadzielu 23 lipienia a 18.00 adbudziecca prezentacyja cmoka. Arhanizatary ŭnikalnaje akcyi abiacajuć navat nievialičkaje piratechničnaje šoŭ, bo što heta za cmok biez ahniu!
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary