Nijakaha piva i nacyjanalnaj simvoliki

Milicyja nastojliva prosić zaŭziataraŭ prychodzić zahadzia na futbolny matč Biełaruś — Charvatyja.

Taksama na stadyjon nielha budzie pranieści piva i nacyjanalnuju simvoliku.

Čakajecca vialikaja kolkaść zaŭziataraŭ, u tym liku — zamiežnych. Achovu hramadskaha paradku buduć ažyćciaŭlać supracoŭniki staličnaj milicyi i vajennyja ŭnutranych vojskaŭ.

Jak paviedamlaje pres‑słužba minskaha HUUS, na stadyjon nie buduć dapuskacca hramadzianie, jakija znachodziacca ŭ stanie ałkaholnaha apjanieńnia ci z ałkaholnymi napitkami (i pivam u tym liku). Dahlad hramadzian i asabistych rečaŭ budzie ažyćciaŭlacca z dapamohaj mietaładetektaraŭ. Na terytoryju stadyjona taksama nie prapuściać ź vialikimi rečami.

Pry zapusku hledačoŭ na stadyjon i na samim stadyjonie budzie ŭstanoŭleny videanazirańnie.Staličnaja milicyja taksama zaklikaje zaŭziataraŭ‑aŭtaŭłaśnikaŭ admovicca ad vykarystańnia aŭtamabilaŭ na hety viečar.

U metach arhanizacyi darožnaj biaśpieki mažlivaje časovaje abmiežavańnie transpartu pa vuł. Uljanaŭskaj, Śvierdłava, Kirava.

Staličnaja milicyja papiaredžvaje, što hledačam taksama zabaraniajecca:

1. Prysutničać na stadyjonie ŭ stanie ałkaholnaha, narkatyčnaha apjanieńnia;

2. Mieć pry sabie:

—chałodnuju, ahniastrelnuju, hazavuju i inšuju zbroju, vybuchovyja rečy i bajeprypasy, ich imitatary i mulažy, piratechničnyja i dymavyja srodki, a taksama admysłova vyrablenyja ci prystasavanyja pradmiety, vykarystańnie jakich moža pradstaŭlać pahrozu žyćcia i zdaroŭja ludziej ci pryčynić materyjalnuju škodu hramadzianam i spartyŭnym budovam (Zakon RB «Ab masavych mierapryjemstvach»),

—napitki ŭ luboj tary

3. Vykarystoŭvać:

—płakaty, transparanty i inšyja srodki, jakija źmiaščajuć zaklik da hvałtoŭnaj źmieny kanstytucyjnaha ładu ci prapahandujučyja vajnu, sacyjalnuju, nacyjanalnuju, relihijnuju ci rasavuju varožaść, jakija prynižajuć hodnaść asoby (zakon RB «Ab masavych mierapryjemstvach»)

—materyjały pravakacyjnaha źmiestu ŭ adras hulcoŭ ci balelščykaŭ kamandy supiernikaŭ i inšych hramadzian, ci nakiravanyja na raspalvańnie rasavaj ci relihijnaj varožaści (Instrukcyja UEFA)

4. Karystacca ściahami, vympiełami, niezarehistravanymi va ŭstanoŭlenym paradku, a taksama emblemami, vympiełami, simvałami, płakatami, źmiest jakich nakiravany na pryčynieńnie škody kanstytucyjnaha ładu i hramadskamu paradku, pravam i zakonnym intaresam hramadzian (zakon RB «Ab masavych mierapryjemtvach»)

5. Uździejničać ŭ luboj formie na supracoŭnikaŭ milicyi z metaj pieraškodzić vykanańniu imi słužbovych abaviazkaŭ pa achovie hramadskaha paradku (zakon RB «Ab masavych mierapryjemstvach»),

6. Pieramiaščacca z adnaho siektara ŭ inšy (Instrukcyja UEFA)

Matč adboračnaha turniru da čempijanatu śvietu pa futbole - 2010 Biełaruś - Charvatyja projdzie ŭ sieradu, 12 žniŭnia, na stadyjonie «Dynama». Pačatak u 21:15.

VŽ

• 0
• 0
• 0
• 0
• 0
• 0
• 0
• 0