Zdareńnie adbyłosia ŭ paniadziełak unačy, kali biełaruska viartałasia z pracy. Palicyja Virdžynii šukaje napadnika.
Biełaruskuju dziaŭčynu, jakaja pryjechała ŭ ZŠA pa studenckim abmienie, abrabavali i zhvałcili. Palicyja Virdžynii šukaje napadnika.
Jak paviedamiŭ pradstaŭnik upraŭleńnia kryminalnaj palicyi horada Virdžynija‑Bič, zdareńnie adbyłosia ŭ paniadziełak unačy, kali biełaruska viartałasia z pracy. (Dziaŭčyna pracavała ŭ adnym z matelaŭ hetaha kurortu).
Na pustoj vulicy da jaje padyšoŭ nieznajomy afraamerykaniec, jaki pad pahrozaj pistaleta zapatrabavaŭ ad jaje hrošy, a potym ažyćciaviŭ seksualny hvałt.
Palicyja abviaściła nieznajomca ŭ vyšuk, a taksama zaklikała arhanizacyi, jakija zaprašajuć na leta zamiežnych studentaŭ, aznajomić moładź z praviłami biaśpieki ŭ načny čas.
Pavodle kiraŭnictva kampanii «Chiłtan», a taksama inšych kurortnych hatelaŭ, dla zaprošanych na siezonnuju pracu studentaŭ ładzicca admysłovaje navučańnie.
Jak padajuć miascovyja ŚMI, ad pačatku miesiaca heta ŭžo druhi napad na studentak z SND.
«Dahetul my ličyli, što Virdžynija‑Bič — heta vielmi biaśpiečny horad», — kažuć dziaŭčaty, jakija pryjechali ŭ ZŠA pa studenckim abmienie. — «Nie chaciełasia b dumać pra horšaje, adnak treba być vielmi pilnymi».
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary