Treci dzień zapar Ukraina daje adpor rasijskaj akupacyjnaj armii, jakaja pajšła na poŭnamaštabnaje ŭvarvańnie ranicaj u čaćvier, 24 lutaha. Nivodny ź vialikich ukrainskich haradoŭ nie zdaŭsia
— Pavodle infarmacyi zachodnich ŚMI, prezident Ukrainy Zialenski admoviŭsia ad prapanovy sajuźnikaŭ evakujavacca.
— Uładzimir Zialenski napiaredadni papiaredziŭ, što hetaj nočču rasijskija akupacyjnyja vojski pojduć na šturm i prymieniać usie siły. Pa słovach kiraŭnika dziaržavy, pad udaram mnohija harady: Čarnihaŭ, Sumy, Charkaŭ, terytoryja Danbasa, horada na poŭdni, «asablivaja ŭvaha — Kijevu».
— U Kijevie i vakolicach nočču i ranicaj išli intensiŭnyja bai. Akupanty sprabavali atakavać CEC-6 u kijeŭskim rajonie Traješčyna, ukrainskaja armija dała adpor. Abaroncy ŭkrainskaj stalicy adbili ataku na vajennuju častku na Bieraściejskaj, CEC ciapier ničoha nie pahražaje, bolšaść dyviersijnych hrup u horadzie abiasškodžanyja. Vasilkoŭ atrymałasia ŭtrymać.
— Bai va Ukrainie praciahvajucca pa ŭsich napramkach ataki ahresara, adnak situacyja ŭ Kijevie i pa ŭsioj Ukrainie na ranicu 26 lutaha «całkam pad kantrolem», śćviardžaje administracyja Zialenskaha.
— Pavietranyja siły i srodki supraćpavietranaj abarony Ukrainy ŭ noč na 26 lutaha źbili ŭ zonie AAS i pad Kijevam try rasiejskija samaloty, uklučajučy transpartny Ił-76 i adzin viertalot.
— Aficyjnyja ŭkrainskija danyja pra straty rasiejcaŭ: 3500 zabitych, kala 200 pałonnych. Pravieryć, ci praŭdzivyja hetyja źviestki, niemahčyma.
— ES zaćvierdziŭ druhi pakiet sankcyj suprać Rasiei, jakija zakranajuć 70% bankaŭskaha rynku Rasii. Taksama Jeŭraźviaz aficyjna ŭnios u sankcyjny śpis prezidenta Rasii Uładzimira Pucina, kiraŭnika MZS Rasii Siarhieja Łaŭrova, premjer-ministra Rasii Michaiła Mišuścina, byłoha prezidenta i premjera Rasii Dźmitryja Miadźviedzieva i inšych.
Kamientary