Трэці дзень запар Украіна дае адпор расійскай акупацыйнай арміі, якая пайшла на поўнамаштабнае ўварванне раніцай у чацвер, 24 лютага. Ніводны з вялікіх украінскіх гарадоў не здаўся
— Паводле інфармацыі заходніх СМІ, прэзідэнт Украіны Зяленскі адмовіўся ад прапановы саюзнікаў эвакуявацца.
— Уладзімір Зяленскі напярэдадні папярэдзіў, што гэтай ноччу расійскія акупацыйныя войскі пойдуць на штурм і прыменяць усе сілы. Па словах кіраўніка дзяржавы, пад ударам многія гарады: Чарнігаў, Сумы, Харкаў, тэрыторыя Данбаса, горада на поўдні, «асаблівая ўвага — Кіеву».
— У Кіеве і ваколіцах ноччу і раніцай ішлі інтэнсіўныя баі. Акупанты спрабавалі атакаваць ЦЭЦ-6 у кіеўскім раёне Траешчына, украінская армія дала адпор. Абаронцы ўкраінскай сталіцы адбілі атаку на ваенную частку на Берасцейскай, ЦЭЦ цяпер нічога не пагражае, большасць дыверсійных груп у горадзе абясшкоджаныя. Васількоў атрымалася ўтрымаць.
— Баі ва Украіне працягваюцца па ўсіх напрамках атакі агрэсара, аднак сітуацыя ў Кіеве і па ўсёй Украіне на раніцу 26 лютага «цалкам пад кантролем», сцвярджае адміністрацыя Зяленскага.
— Паветраныя сілы і сродкі супрацьпаветранай абароны Украіны ў ноч на 26 лютага збілі ў зоне ААС і пад Кіевам тры расейскія самалёты, уключаючы транспартны Іл-76 і адзін верталёт.
— Афіцыйныя ўкраінскія даныя пра страты расейцаў: 3500 забітых, каля 200 палонных. Праверыць, ці праўдзівыя гэтыя звесткі, немагчыма.
— ЕС зацвердзіў другі пакет санкцый супраць Расеі, якія закранаюць 70% банкаўскага рынку Расіі. Таксама Еўразвяз афіцыйна ўнёс у санкцыйны спіс прэзідэнта Расіі Уладзіміра Пуціна, кіраўніка МЗС Расіі Сяргея Лаўрова, прэм'ер-міністра Расіі Міхаіла Мішусціна, былога прэзідэнта і прэм'ера Расіі Дзмітрыя Мядзведзева і іншых.
Трэці дзень вайны ва Украіне АНЛАЙН
«Я падняў аднаго са слабавікоў — і выпусціў яго на асфальт». Дэсантнік Руслан Акостка расказаў, як адседзеў 4 гады21
Каментары