Hienieralny sakratar NATA Jens Stołtenbierh padčas pres-kanfierencyi ŭ Brusieli zajaviŭ, što Biełaruś była saŭdzielnicaj rasijskaha ŭvarvańnia z samaha jaho pačatku. Ciapier jana pavinna spynić svoj udzieł u vajnie Rasii suprać Ukrainy.
Prytym, pavodle Stołtenbierha, udzieł Biełarusi treba adličvać navat nie z pačatku vajny, a
«navat da jaje pačatku, tamu što Biełaruś dazvoliła vykarystoŭvać svaju terytoryju dla mabilizacyi bujnych padraździaleńniaŭ Rasii dla ŭvarvańnia va Ukrainu. Biełaruś praciahvaje dapamahać zachopnikam pradastaŭleńniem terytoryi, vajennaj infrastruktury, a taksama dazvalajučy Rasii vykarystoŭvać pavietranuju prastoru dla napadaŭ suprać ukrainskaha hramadzianskaha nasielnictva».
Takim čynam, padkreślivaje hienieralny sakratar NATA:
«Biełaruś užo ŭciahnutaja ŭ vajnu, padtrymlivajučy rasijskaje ŭvarvańnie. My zaklikajem Biełaruś heta spynić, kab Rasija bolš jaje nie vykarystoŭvała dla viadzieńnia hetaj brutalnaj vajny suprać susieda-Ukrainy».
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary