Krainy ES vysyłajuć dziasiatki rasijskich dypłamataŭ. Ich padazrajuć u špijanažy
Siońnia zamiežnapalityčnyja słužby adrazu niekalkich krain Jeŭrasajuza zajavili pra vysyłku supracoŭnikaŭ rasijskich dypłamatyčnych pradstaŭnictvaŭ. Jany abvinavačvajucca ŭ špijanažy.
Pra vysyłku 17 rasijskich dypłamataŭ paviedamiŭ telekanał NOS. Ministerstva zamiežnych spraŭ Niderłandaŭ zajaviła, što zamiest dypłamatyčnaj pracy rasijanie zajmalisia ŭ ich krainie špijanažam.
«U hetych ludziej napisana «dypłamat» na vizitoŭkach, ale jany na samaj spravie robiać niešta zusim inšaje. My pryniali hetaje rašeńnie dla biaśpieki Niderłandaŭ», — zajaviŭ ministr zamiežnych spraŭ krainy Vopkie Hukstra.
Anałahičny krok robić i Bielhija, u jaje śpisie na vysyłku — 21 rasijski dypłamat.
Vysyłaje rasijskich dypłamataŭ i Irłandyja. Krainu pakinuć čatyry supracoŭniki ambasady Rasii, paviedamiŭ ministr zamiežnych spraŭ Sajman Kovieni. Aficyjnaja pryčyna — nieadpaviednaść ich dziejnaści mižnarodnym standartam dypłamatyčnych pavodzinaŭ.
Usiaho adnaho supracoŭnika rasijskaha pasolstva vysyłaje Čechija, ale ŭ im ciapier ŭsiaho zastavałasia tolki siem čałaviek. U zajavie češskaha MZS havorycca, što taki krok dazvolić «abmiežavać prysutnaść rasijskich śpiecsłužbaŭ u Jeŭrasajuzie».
Raniej Polšča z tych ža pryčyn vysłała 45 rasijskich dypłamataŭ, pra anałahičnyja kroki abviaščali taksama Bałharyja, Paŭnočnaja Makiedonija, Łatvija, Litva, Estonija.
MZS Rasii, kamientujučy vysyłku dypłamataŭ z šerahu jeŭrapiejskich krain, zajaviła, što ŭ adkaz na heta buduć pryniatyja kontrmiery.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom18
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary