Barysaŭ, haradski stadyjon, 19:00. Pieramožca trapić u hrupavy turnir Lihi Jeŭropy.
Siońnia, 20 žniŭnia, u Barysavie na haradskim stadyjonie projdzie pieršy matč plej‑of futbolnaj Lihi Jeŭropy pamiž piacirazovym čempijonam Biełarusi barysaŭskim BATE i bałharskim «Liteksam» z Łovieča.
Pačatak matču ŭ 19:00.
Matč budzie pakazany ŭ žyvym efiry na telekanale «Ład», dziela hetaha navat pasunuć tradycyjny žyvy efir z čempijanatu śvietu pa lohkaj atletycy ŭ Bierlinie.
Pieramožca dvuboju — matč u adkaz projdzie ŭ nastupny čaćvier u Łoviečy — vychodzić u hrupavy turnir Lihi Jeŭropy, što sioleta pryjšła na źmienu Kubku UEFA.
***
Nahadajem, što BATE sioleta startavaŭ z 2‑ha raŭndu Lihi čempijonaŭ, u jakim dvojčy pieramoh «Makiedoniju» (2:0, 2:0), a potym u 3‑m raŭndzie astupiŭsia na «Vientśpiłsie» (0:1 u haściach, 2:1 doma).
«Liteks» u žniŭni pravioŭ try matčy: prajhraŭ u Supierkubku Bałharyi niebieźviadomamu «Leŭski» — 0:1, pieramoh u haściach u pieršym tury čempijanatu «Łakamatyŭ» ź Miezdry ź likam 5:0, a potmy prajhraŭ na svaim poli «Pirynu» — 0:1.
Treniruje kłub z Łovieča Stanimir Stojłaŭ, jaki znoŭ ačoliŭ zbornuju Bałharyi.
«Vientśpiłs», darečy, u sieradu ŭ pieršym matčy plej‑of Lihi čempijonaŭ byŭ žorstka bity na svaim poli «Ciurycham» — 0:3.
I šancaŭ trapić u hrupavy turnir Lihi čempijonaŭ u kłuba z Łatvii amal niama.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»29
Kamientary