U Łatvii 9 maja hetaha hoda budzie Dniom pamiaci achviar i pamierłych va Ukrainie
Siejm u čaćvier 7 krasavika pryniaŭ u kančatkovym čytańni adpaviedny zakon. Ale jon budzie dziejničać tolki sioleta.
U dakumiencie havorycca, što 9 maja na budynkach, jakija naležać dziaržavie, pryvatnym i jurydyčnym asobam, na žyłych damach, a taksama pobač z rezidencyjaj prezidenta Łatvii, na hałoŭnym budynku Siejma i Kabinieta ministraŭ pavinny być vyviešanyja dziaržaŭnyja ściahi Łatvii z žałobnaj stužkaj. Pobač z hetym ściaham pavinien być raźmieščany ŭkrainski ściah.
U hety dzień dziaržustanovy nie pavinny pravodzić masavyja śviatočnyja mierapryjemstvy, a kali na takija ŭžo byli vydadzienyja dazvoły, to treba ich admianić.
Orhany miascovaha samakiravańnia mohuć pryniać rašeńnie ab zabaronie praviadzieńnia schodu, šeścia abo pikieta, akramia vypadkaŭ, kali meta mierapryjemstvaŭ — vykazać smutak u dzień pamiaci.
Akramia taho, 9 i 10 maja 2022 hoda deputaty ŭviali zabaronu na vykarystańnie piratechniki.
Meta zakona — pryciahnuć uvahu łatvijskaha hramadstva da vajskovaj ahresii, inicyjavanaj Rasijaj va Ukrainie, i prajavić salidarnaść z ukrainskim narodam u baraćbie za suvierenitet, niezaležnaść i terytaryjalnuju cełasnaść krainy, paviedamlaje «Bi-bi-si».
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary