Džen Psaki: Z novym rasijskim kamandujučym budzie praciah taho, što my ŭžo bačyli
Pradstaŭnica Biełaha doma Džen Psaki prakamientavała 10 krasavika ŭ prahramie Fox News Sunday źmienu ŭ Rasii asoby, adkaznaj za siły ŭvarvańnia. Na jaje dumku, heta «pakazvaje, što budzie praciah taho, što my ŭžo bačyli na miescach va Ukrainie».
U subotu niekalki zachodnich ŚMI paviedamili, što prezident Rasii Uładzimir Pucin pryznačyŭ novaha hienierała, jaki kiruje vajnoj va Ukrainie, pakolki rasijskija vajskoŭcy mianiajuć płany paśla pravału nastupleńnia na Kijeŭ.
Pavodle hetych paviedamleńniaŭ, rasijskuju kampaniju ŭznačaliŭ hienierał armii Alaksandr Dvornikaŭ, kamandujučy Paŭdniovaj vajskovaj akruhaj.
Kiraŭnictva Złučanych Štataŭ, adnak, nie čakaje źmienaŭ u taktycy i stratehii rasijskich vajskoŭcaŭ va Ukrainie paśla źmieny asoby, adkaznaj za siły ŭvarvańnia.
Džen Psaki nazvała Dvornikava adkaznym za «źvierstvy, jakija my bačyli ŭ Siryi», i skazała, što Złučanyja Štaty praciahvajuć pracavać z ukrainskimi čynoŭnikami, kab pierakanacca ŭ najaŭnaści va Uzbrojenych sił Ukrainy zbroi i inšaj dapamohi, nieabchodnych dla pośpiechu na poli boju.
«Tolki na hetym tydni naš daradca pa nacyjanalnaj biaśpiecy, naš dziaržsakratar i naš staršynia Abjadnanaha kamiteta hałoŭnych hrup praviali dvuchhadzinnuju razmovu sa svaimi kalehami, kab padrabiazna razhledzieć, u čym mienavita majuć patrebu ŭkraincy. My pracujem z našymi sajuźnikami i partniorami, jak my ŭžo zrabili z (sistemaj supraćpavietranaj abarony) S-300», — skazała Psaki.
Čytajcie taksama:
VVS ahučyła imia rasijskaha hienierała, jakoha pryznačyli hałoŭnym pa vajnie va Ukrainie
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie9
Kamientary