Hramadzianam Litvy i Łatvii z 16 krasavika dla naviedvańnia Biełarusi nie spatrebicca viza
Adpaviednaja abviestka źjaviłasia ŭ pamiežnych punktach. Takoje rašeńnie budzie dziejničać miesiac.
U Dziaržpahrankamitecie rastłumačyli, što «biaźviz» budzie ŭviedzieny tolki na miesiac — z 16 krasavika pa 15 maja.
Dla pierasiačeńnia miažy hramadzianam Łatvii i Litvy spatrebicca pašpart, strachoŭka, PŁR-test abo siertyfikat ab vakcynacyi, nieabchodnaja suma hrošaj (dźvie bazavyja vieličyni na sutki znachodžańnia) abo vypiska z banka.
Nahadajem, što ŭčora źjaviłasia infarmacyja, što Biełaruś razhladaje pytańnie biaźvizavaha ŭjezdu dla hramadzian sumiežnych krain ES (hetyja krainy — Polšča, Litva, Łatvija).
Uviadzieńnie «biaźvizu» dla susiedziaŭ, jak paviedamlałasia, razhladajecca dla «ŭmacavańnia dobrasusiedskich adnosin i raźvićcia ŭjaznoha turyzmu».
«Adnačasova Dziaržpahrankamitetam prapracoŭvajecca miechanizm, jaki dazvalaje hetaj katehoryi hramadzian naviedvać pamiežnuju zonu biez propuska. Paśla skasavańnia karanavirusnych abmiežavańniaŭ na pierasiačeńnie biełaruskaj miažy fiksujecca pavieličeńnie kolkaści zamiežnych hramadzian, jakija prybyvajuć z sumiežnych krain ES», — paviedamili ŭ Dziaržaŭnym pamiežnym kamitecie.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary