Pa słovach pradstaŭnika ministerstva abarony RF Ihara Kanašenkava, biezzvarotnyja straty armii Ukrainy i inšych ukrainskich vajenizavanych farmavańniaŭ składajuć 23367 čałaviek.
«Na 16 krasavika tolki ŭ Maryupali straty ŭkrainskaj hrupoŭki skłali bolš za čatyry tysiačy čałaviek», — zajaviŭ Kanašenkaŭ.
Napiaredadni prezident Ukrainy Uładzimir Zialenski ŭ intervju CNN skazaŭ, što padčas vajny zahinuli ad 2500 da 3000 ukrainskich vajskoŭcaŭ. Jašče kala 10 000 vajskoŭcaŭ atrymali ranieńni.
Taksama Kanašenkaŭ zajaviŭ, što ŭsia haradskaja terytoryja Maryupalu «ačyščanaja ad farmavańnia «Azoŭ», zamiežnych najmitaŭ i ŭkrainskich vojskaŭ».
«Reštki ŭkrainskaj hrupoŭki ciapier poŭnaściu zabłakavany na terytoryi mietałurhičnaha kambinata «Azoŭstal». Adziny ich šanc vyratavać svaje žyćci — dobraachvotna skłaści zbroju i zdacca», — skazaŭ Kanašenkaŭ.
Jon taksama paviedamiŭ, što rasijskaje vojska źbiła ŭ rajonie Adesy ŭkrainski vajenna-transpartny samalot z bujnoj partyjaj zachodniaha ŭzbrajeńnia.
Uładzimir Zialenski siońnia zajaviŭ, što Kijeŭ moža spynić pieramovy z Maskvoj u vypadku zabojstva ŭkrainskich vajskoŭcaŭ, jakija zastajucca ŭ Maryupali.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro9
Kamientary