U sudzie Małaryckaha rajona 15 červienia pačaŭsia razhlad kryminalnaj spravy miascovaj aktyvistki Partyi BNF Ludmiły Ramanovič. Jaje abvinavačvajuć u abrazie Alaksandra Łukašenki (art. 368 Kryminalnaha kodeksa) z-za lista, jaki žančyna dasłała ŭ Śledčy kamitet, paviedamlaje «Viasna».
Spravu razhladaje sudździa Volha Śmirnova, dziaržabvinavaŭca — prakuror Fiodar Michovič.
Na pačatku sakavika 2022 hoda palitźniavolenaja Ludmiła Ramanovič źviarnułasia ź listom na sajt Administracyi Łukašenki. Žančyna vykazała pratest suprać udziełu Biełarusi ŭ vajnie suprać Ukrainy.
Aktyvistka Partyi BNF z Małaryty Ludmiła Ramanovič, byłaja kandydatka ŭ deputaty Pałaty pradstaŭnikoŭ, ahučyła svajo niehatyŭnaje staŭleńnie da vajny va Ukrainie, jakuju raźviazała Rasija. Žančyna taksama vykazała pratest suprać mahčymaha ŭdziełu Biełarusi ŭ bratazabojčaj vajnie i patrabavała vyvieści z terytoryi Biełarusi rasijskija vojski.
22 sakavika aktyvistku zatrymali, 4 krasavika ŭ domie Ludmiły Ramanovič prajšoŭ pieratrus, a 7 krasavika jaje źmiaścili ŭ SIZA horada Bresta.
Padčas abviaščeńnia abvinavačańnia vyśvietliłasia, što padstavaj dla kryminalnaha pieraśledu aktyvistki źjaŭlajecca słova «ŭzurpatar» ź jaje lista ŭ Śledčy kamitet.
Sudovaje pasiadžeńnie praciahniecca 17 červienia. Projduć sprečki bakoŭ i vystupić prakuror.
Pamiatajecie pravakatara i danosčyka Jaŭhiena Kakojtu? Jon ciapier taksama palitviazień13
Kamientary