У судзе Маларыцкага раёна 15 чэрвеня пачаўся разгляд крымінальнай справы мясцовай актывісткі Партыі БНФ Людмілы Рамановіч. Яе абвінавачваюць у абразе Аляксандра Лукашэнкі (арт. 368 Крымінальнага кодэкса) з-за ліста, які жанчына даслала ў Следчы камітэт, паведамляе «Вясна».
Справу разглядае суддзя Вольга Смірнова, дзяржабвінаваўца — пракурор Фёдар Міховіч.
На пачатку сакавіка 2022 года палітзняволеная Людміла Рамановіч звярнулася з лістом на сайт Адміністрацыі Лукашэнкі. Жанчына выказала пратэст супраць удзелу Беларусі ў вайне супраць Украіны.
Актывістка Партыі БНФ з Маларыты Людміла Рамановіч, былая кандыдатка ў дэпутаты Палаты прадстаўнікоў, агучыла сваё негатыўнае стаўленне да вайны ва Украіне, якую развязала Расія. Жанчына таксама выказала пратэст супраць магчымага ўдзелу Беларусі ў братазабойчай вайне і патрабавала вывесці з тэрыторыі Беларусі расійскія войскі.
22 сакавіка актывістку затрымалі, 4 красавіка ў доме Людмілы Рамановіч прайшоў ператрус, а 7 красавіка яе змясцілі ў СІЗА горада Брэста.
Падчас абвяшчэння абвінавачання высветлілася, што падставай для крымінальнага пераследу актывісткі з'яўляецца слова «ўзурпатар» з яе ліста ў Следчы камітэт.
Судовае пасяджэнне працягнецца 17 чэрвеня. Пройдуць спрэчкі бакоў і выступіць пракурор.
Сталі вядомыя першыя пяць прозвішчаў палітвязняў, вызваленых па новым памілаванні5
Каментары