35 krain zaklikali pastrožyć spartyŭnyja sankcyi suprać Rasii i Biełarusi
Tryccać piać krain, siarod jakich ZŠA, Kanada, Japonija, Vialikabrytanija i krainy Jeŭrapiejskaha sajuza, padpisali 5 červienia sumiesnuju zajavu z zaklikam uzmacnić spartyŭnyja sankcyi suprać Rasii i Biełarusi, paviedamlaje Radyjo Svaboda.
U ramkach novych zachadaŭ prapanujecca:
- spynić supracoŭnictva mižnarodnych spartyŭnych fiederacyj z nacyjanalnymi orhanami kiravańnia sportam Rasii i Biełarusi;
- adchilić ad upłyvovych pasad u mižnarodnych spartyŭnych fiederacyjach asob, ciesna źviazanych z rasijskim abo biełaruskim uradam;
- razhledzieć mahčymaść prypynić tranślacyi mižnarodnych spartyŭnych spabornictvaŭ u Rasii i Biełarusi.
U vypadku, kali nacyjanalnyja abo mižnarodnyja spartyŭnyja arhanizacyi dazvolać atletam z hetych krain udzielničać u spabornictvach, spartsmieny pavinny vystupać stroha ŭ niejtralnym statusie, padkreślivajecca ŭ zajavie. Vykarystańnie ściahoŭ, hierbaŭ i himnaŭ Rasii ci Biełarusi musić być zabaroniena.
Raniej pra pažadanaść novych abmiežavalnych mieraŭ kazali ministry sporta hetych 35 krain.
Kamientary